آسترالیاده جایلشگن تینچلیک و اقتصاد انستیتوتی یا-ده IEP تامانیدن لندن ده ترقه‌تیلگن گزارش گه کوره، طالبان 2018- ییل‌ده دنیا بوییچه اینگ اولدیرووچی تروریستی گروه تانیلگن.
مذکور انستیتوت نینگ گزارشی اساسیده، میلادی 2018- ییل‌ده طالبان گه نسبت بیریلگن قربانلیک‌لر رقمی کمیده 71% آشگنینی کورسته‌دی.
عین دمده، اوتگن ییل جریانیده داعش هجوملریدن چیققن قربانلیک‌لر رقمی 70% کمه‌یگن.
اوشبو گزارش اساسیده، دنیا بویلب اوتگن ییل جریانیده تروریستی هجوملرنینگ قربانلری 15% دن آرتیق کمه‌یگن، بیراق عکسینچه بو رقم افغانستانده آشگن.
بو گزارش‌ده کیلیشیچه، 2018- ییل افغانستانده ترورچیلیک قربانلری نینگ رقمی 7 مینگ و 379 کیشی بولگن و بو رقم 59% آشگنینی کورسته‌دی.
مذکور انستیتوت نینگ رویخطی اساسیده، میلادی 2003- ییل‌دن بویان، افغانستان بیرینچی بار عراق نینگ جایی‌نی آلیب و ترورچیلیک‌دن تأثیر کورگن مملکت‌لرنینگ باشیده توخته‌گن.
شونینگدیک، افغانستاندن کیین نایجریا، مالی و موزامبیک مملکت‌لری ترورچیلیک نتیجه‌سیده بولگن کوپینچه قربانلیک‌لرگه گواه بولگن.
بو تورتینچی ییل دیر کیم ترورچیلیک قربانلری نینگ رقمی‌ده آزلیک کورینه‌دی. اینیقسه عراق و سومالیاده وضعیت بیر آز یخشی بولگن. اوشبو گزارش‌ده کیلیشیچه، توپلم شکلده دنیانینگ 98 مملکتی‌ده یخشی‌لیک کورینه‌دی.
شو توغریده…
دوستم: طالبان دن کیین، داعش والقاعده اوروش‌نی باشله‌یدی
