خبرچی‌لرنینگ خوفسیزلیگی نی سقلش کمیته نینگ ایتیشیچه، بو کمیته جاری میلادی ییل نینگ بیرینچی 6 آیی ده خبرچی‌لرگه قرشی 42 زوروانلیک واقعه نی رویخط گه آلگن. اوشبو کمیته 2019- ییل نینگ بیرینچی 6 آیی ده خبرچی‌لرگه قرشی 45 زوروانلیک واقعه نی رویخط گه آلگن ایدی.
مذکور گزارش بوگون (یکشنبه 29- سرطان) نشر قیلینگن کیم اونگه کیلیشیچه، خبرچی‌لرگه قرشی برچه زوروانلیک و تهدید واقعه‌لرگه، 2 قتل واقعه، 11 تن جراحت کوتاریش واقعه، 6 کلتکله‌ش واقعه، 9 اهانت و حرمت‌سیزلیک واقعه، 7 تهدید واقعه، 4 اختطاف واقعه، 2 اوغیرلاوچی‌لیک واقعه و بیر ناقانونی یانده‌شیش (آیلیگی توللنمه‌گن) شامل بوله‌دی.
خبرچی‌لرنینگ خوفسیزلیگی نی سقلش کمیته، طالبان و داعش گروهی نی خبرچی‌لرگه قرشی 18 زوروانلیک و تهدید واقعه‌سیگه قولی بارلیگی بیلن خبرچی‌لرگه قرشی کوپینچه زوروانلیک واقعه مسئولی دیگن.
اوشبو گزارش گه کوره، خبرچی‌لرگه قرشی 13 زوروانلیک واقعه حکومت مسئوللری آرقه‌لی یوزبیرگن. خبرچی‌لرگه قرشی زوروانلیک واقعه‌لردن 3 واقعه زوروانلر، 2 واقعه اوغیرلاوچیلر، 5 واقعه ناتانیش کیشیلر و 1 واقعه رسانه‌لر مسئوللری آرقه‌لی صورت تاپگن.
مذکور گزارش اساسیده، پایتخت زونی 22 واقعه بیلن مملکت بوییچه خبرچی‌لر و رسانه ایشلاوچی‌لری اوچون اینگ یمان زون بولگن و شمال زونی ده خبرچی‌لرگه قرشی زوروانلیک قضیه‌سیدن هیچ بیر واقعه قید ایتیلمه‌گن.
خبرچی‌لرنینگ خوفسیزلیگی نی سقلش کمیته نینگ گزارشی گه کوپه‌یتیریلیشیچه، زوروانلیک واقعه‌لردن کوپینچه‌سی (42 واقعه) کرونا ویروسی کینگه‌یگن بیرچاغده رویخط گه آلگن. گزارش گه کیلیشیچه «2020- میلادی ییل نینگ بیرینچی 6 آیی ده تینچلیک سوزلشوولری و سوزایرکین‌لیگی و میدیا ایرکین‌لیگی چیکلاو گه دوچ کیلیشی رسانه جماعه‌سی نینگ خواطرلریدن بیری بولگن.»
خبرچی‌لرنینگ خوفسیزلیگی نی سقلش کمیته نینگ کوپه‌یتیریشیچه، تینچلیک سوزلشوولریده مذاکره قیله‌دیگن هیأت سوز ایرکین‌لیگی و رسانه ایرکین‌لیگی نینگ ارزش‌لریدن معامله بولمه‌یدیگن ارزش صفتیده مدافعه قیلیشی کیره‌ک.
معلومات‌لرگه قول تاپه آلمه‌سلیک مذکور کمیته نینگ خواطرلریدن باشقه بیری دییلگن. گزارش گه کیلیشیچه، افغانستان حکومتی بو توغریده جدی و ینگی اقدام‌لر قول گه آلیشی کیره‌ک.
خبرچی‌لرنینگ خوفسیزلیگی نی سقلش کمیته آرقه‌لی گزارش نشر ایتیلگن بیرحالده، جمهورلیک ریاست سوزلاوچیسی صدیق صدیقی بیر توییت آرقه‌لی ایتیشیچه، حکومت تینچلیک پروسه‌سیده «سوز و رسانه ایرکین‌لیگی» دن برچه کوچی بیلن مدافعه قیله‌دی.
جمهورلیک ریاست سوزلاوچیسی نینگ کوپه‌یتیریشیچه: «تینچلیک پروسه‌سیده افغانستان حکومتی نینگ موقفی اصولی بیر موقف دیر. بو اصول نینگ چهارچوبه‌سینی بیزلرنینگ آچیق جامعه‌میزنی ارزش‌لری تشکیل بیره‌دی. طالب‌لرنینگ باشقه گزینه‌سی یوق.بو واقعیت نی هضم قیلیش‌لری کیره‌ک.»
