سیاسی حوزه‌ده سهمیه‌لری کم‌لیگی‌دن ناراضیلیک بیلدیرگن کوچی‌لرنینگ بویوک‌لرینی ایتیشیچه، حکومت اولرنینگ وضعیتی‌گه دقت قیلمه‌گن صورتده، کینگ ناراضیلیک نمایش یولگه قوییش‌لری ممکن.
بوگون کابل‌ده خبری ییغین اوتکزگن کوچی‌لر باشلیغی حکمت‌الله عصمت‌نینگ ایتیشیچه، مملکت جمعیتی‌دن 16% کوچی‌لر تشکیل بیره‌دی، بیراق مملکت‌نینگ سیاسی تشکیلاتی‌ده اولرنینگ حضوری آز دیر.
جناب عصمت گه کوره، جمهور رئیس کیم‌لیک ترقه‌تیش توغریسیده سیار تیم‌لر تعیین ایتیلیشی خصوصیده سوز بیرگن ایدی، بیراق حاضرگچه هیچ بیر تیم تشکیل ایتیلمه‌گن و پروان و بادغیس کوچلری حاضرگچه کیم‌لیک آلمه‌گن.
عین حالده، نماینده‌لر کینگشی‌ده کوچی‌لر نماینده‌سی محمدیوسف صابرنینگ ایتیشیچه، مملکت‌ده کوچی‌لر بیلن سیاسی یانده‌شیله‌دی و قطار کیشی‌لر بو قوم نماینده‌لر کینگشی و تومن‌لر کینگشی سیلاولریده اشتراک قیلیشی‌نی ایستمه‌یدی.
بیریلگن رقم‌لر اساسیده، افغانستانده 3 میلیون دن آرتیق کوچی حیات کیچیره‌دی و بو آره‌دن یالغیز یوز مینگ ته‌سی آواز بیریش اوچون رویخط‌گه آلینگن.
