د کونړ په چپېدرې، نورګل، ماڼوګي او ځېنو نورو ولسوالیو کې له شاوخوا ۴ورځو راهېسې د داعش او طالبانو ترمنځ په وقفهيي ډول جګړې روانې دي چې دواړو لوریو ته پهکې مرګژوبله هم اوښتې دي.
د دې جګړو له امله ګڼې کورنۍ د ماڼوګي ولسوالۍ امن سیمو او د ولایت مرکز اسعداباد ته کډه شوېدي.
د کونړ ولایت مقام ته د مرستې ترلاسه کولو لهپاره ورغلي بېځایه شوي کډوال وايي، چپېدرې ولسوالۍ کې له تېرو دوو اوونیو راهیسې د داعش او طالبانو تر منځ د جګړو له امله حالت ګواښوونکی دی.
دوه بېځایه شوي چې نه غواړي نومونه یې خپاره شي وايي، له چپېدرې ولسوالۍ تر اوسه څه باندې ۲سوه کورنۍ د خپلو مېنو پرېښودلو ته اړې شوي؛ خو تر اوسه ورسره چا مرسته نهده کړې
دوی وايي، که حکومت چپهدره کې د داعش او طالبانو پر ضد عملیات ونهکړي؛ نو زیان به یې د حکومت ترڅنګ ولسي خلکو ته ډېر وي.
د کونړ والي عبدالستار میرزکوال سلام وطندار سره په مرکه کې وویل چې پهدې جګړو کې تر اوسه ۲۵ داعش او ۴ طالبان وژل شويدي.
ښاغلي میزکوال ومنله چې د دې ولایت له جګړه ځپلو سلګونه کورنۍ بېځایه شوېدي.
د کونړ والي وایي چې داعش او طالب وسلهوال د چپېدرې د ځېنو سیمو د نیولو په نیت خپلمنځي جګړې کوي؛ خو حکومت دلته د دواړو وسلهوالو ډلو د ځپنې لهپاره عملیات پلان کړي او ژر به پیل شي.
د والي د معلوماتو لهمخې داعش ډلې د دې جګړې لهپاره له نورو ولایتونو هم خپل کسان ورغوښتي.
د داعش او طالبانو ترمنځ جګړو کې تراوسه د ولسي خلکو مرګژوبلې راپور نهدی ورکړل شوی.
د چارواکیو په وینا، اوسمهال د کونړ په نورګل، څوکۍ، وټهپور، ماڼوګي، چپېدرې او شیګل ولسوالیو کې داعش ډله فعالیت کوي.
