هرات ولایتی‌ده ساغلیق‌نی سقلش اداره سی‌نینگ مسؤوللری، مذکور کسل‌لیک اوتگن ییل‌لردن بیری موجود بولگن. اما، حاضرگی کونده مذکور کسل‌لیک نینگ میزانی آشگن. اوشبو کوز کسل‌لیگی تیزلیک ده بیرکیشی‌دن باشقه بیر کیشی‌گه یوقیشی ایتیله‌دی.
هرات نور ساغلیق‌نی سقلش اداره سی‌نینگ آمری جمال عبدالناصرنینگ سلام‌وطندارگه بیلدیریشیچه، کونده 300- 450 کیشی اوشبو شفاخانه گه داروله‌نیش اوچون کیله‌دی. بولردن 15- 10 ته سی «ادینو» کوز کسل‌لیگی‌گه چلینگن‌لر دیر.
قیزیل‌لیک، کوییش، سووله‌نیش و آغیریق مذکور کسلیک نینگ نشانه لریدن دیر.
هرات داکترلریگه کوره، اوشبو کوز کسل‌لیگی سرماخورده‌گی کبی ویروس دیر. بو کسل‌لیک‌نی 99 % تورلی مراقبت‌لر بیلن آلدی آلینیشی ممکن.
شونینگ‌دیک جناب کریم‌یار، مذکور یوقوملی کوز کسل‌لیگی‌گه چلینگن کیشلر تیزلیک‌ده کوز شفاخانه سیگه مراجعه قیلیشلری لازم دیگن.
اونینگ سوزلریگه کوره، «ادینو» ویروسی تیزلیک‌ده بیر کیشی‌دن باشقه کیشی‌گه قول آرقه‌لی یوقه‌دی. ایتیلیشیچه، قول و باشقه اسکونه‌لر تیزده بو کسل‌لیک‌نی بیر کیشی‌دن باشقه بیر کیشی‌گه اوتیشی اوچون اساسی زمینه دیر.
مذکور داکترگه کوره، اوشبو کوز کسل‌لیگی‌گه چلینگن کیشی‌لر 20 کونگچه کوز کوییشی‌دن اذیت چیگه دی.
عین حالده، کوز داکترلری بو کسل‌لیک‌که چلینگ شخص‌لر عایله اعضالریدن جدا ساووق سووگه حمام قیلیشلری توصیه ایتیله‌دی.
