کومانډویانو د طالبانو له بنده ۳۳ بندیان خوشې کړي

ملي دفاع وزارت د یوې خبرپاڼې په خپرولو سره وايي چې یاد بندیان د هلمند ولایت په سنګین ولسوالي کې د ځانګړیو ځواکونو په عملیاتو کې را خوشې شوي دي.

په خبرپاڼه کې لیکل شوي چې په راخوشې شویو کسانو کې ۲۹ د ملي اردو سرتېري، ۳ پولیس او یو هم ملکي کس شامل دی.

دا په داسې حال کې ده چې ځانګړیو ځواکونو پرون هم د زابل ولایت په نوبهار ولسوالي کې د ځانګړیو عملیاتو پر مهال ۱۲ نظاميان او ۱۶ ملکیان د طالبانو له بنده را خوشې کړل.

• زابل؛ سرتېرو ۲۸ بندیان د طالبانو له بنده خوشې کړي