د عامې روغتیا وزارت وايي، یوازې تېرو ۲۴ ساعتونو کې د کورونا ويروس ۶۶ نورې مثبتې پېښې ثبت شوې چې په دې سره د هېواد په کچه په کورونا ویروس د اخته کسانو شمېر ۱۰۹۶ کسانو ته ورسېد.
د ياد وزارت وياند وياند وحيدالله مايار نن په يوه خبري غونډه کې وويل، له ثبت شويو پېښو ۵۲ په کابل کې، ۵ په لغمان، ۴ په ننګرهار، ۴ په بغلان کې او ۱ هم په پکتیا کې ثبت شوې ده.
مايار دغه راز وویل، په تېرو ۲۴ ساعتونو کې د کرونا ویروس له کبله څوک نه دي مړه شوي خو ۱۵ کسان ترې روغ شوي او خپلو کورونو ته استول شوي دي.
د نوموړي په وينا، اوسمهال په کابل کې ۳۸۵ کسان پر کورونا اخته شوي او ورپسې ۳۳۴ بيا په هرات کې پر ياد ويروس اخته شوي دي.
د يادولو ده چې په افغانستان کې له کورونا وېروس تراوسه ۳۶ کسان مړه شوي او ۱۵۰ ترې رغېدلي دي.
