که ماشومان مو د شپې خوب نه‌لري، اندېښنه مه ورته کوئ

که څه هم د شپې له خوا د ماشومانو ويښ پاتې کېدل، د مور او پلار، په ځانګړې توګه د میندو لپاره ستونزمن او ازاروونکی وي، خو میندې باید پوه شي چې تر سترګو لاندې تورې لیکې یې بې‌ارزښته نه‌دي.

یوه نوې څېړنه چې د بريټانیا په بریستول پوهنتون کې شوې ښيي، هغه ماشومان چې د شپې ډېر نه ویده کېږي، د خپلو نورو هم‌ځولو په پرتله ډېر ځيرک او هوښیار وي.

په بریستول پوهنتون کې د ماشومانو د ودې او روغتیا رواني ډاکټر پروفیسور پیتر فلیمنګ چې کلونه کلونه یې د ماشومانو د خوب برخه کې څېړنې کړي وايي، په شپه کې د ماشومانو ویښ پاتې کېدل، د هغوی د ماغزو ډېر فعالیت له کبله دی.

نوموړی زیاتوي، د ماشومانو بیولوژیکي جوړښت د اوږدمهال خوب لپاره مناسب نه‌دی او تراوسه د هغوی د ډېر خوب اغېزمنتیا په اړه هم هېڅ سند نه‌شته.

دا څېړنه ښيي چې له بیولوژيکي پلوه د ماشومانو ويښ پاتې کېدل، غیرعادي او ګټور دی.