بوگون «چهارشنبه» ایرتهلب جمهور رئیس غنی حکومتی بیر هیأت همراهلیگیده کنر ولایتی گه ییتیب باردی. اوشبو سفرده جمهور رئیس تامانیدن 778 میلیون افغانیلیک نیچه پروژه آچیلدی.
مذکور پروژهلرگه 200 یاتاقلیک بیر کسلخانه، کته بیر مسجد و کنر بیلیم یورتی نینگ ایرکک اوقووچیلریگه بیر یاتاقخانه قوریلیشی شامل بولهدی.
کنر ولایتی گه جمهور رئیس غنی نینگ سفریده، مذکور ولایت نینگ ساغلیقنی سقلش ریاستی و بیلیم یورتیده قیزلرگه خاص یاتاقخانه نینگ بنالری فایدهلنیش گه تاپشیریلدی.
جمهور رئیس غنی نینگ ایتیشیچه، اوتمیشلرده کنر ولایتی گه اونچهلیک دقت قیلینمهگن؛ بیراق بوندن سونگ، مذکور ولایتده اساسی اوزگریشلر باشلنهدی.
بو سفرده جمهور رئیس غنی میدیالرنی غیابیده تورلی اهالی بیلن اوچرهشگن.
اوچرهشووده اشتراک قیلگنلرنینگ ایتیشیچه، کنر ولایتیده برق توغانی قوریلیشی، ولایت بیلیم یورتینینگ فاکولتهلری کوپهیتیریلیشی، اوروشده هلاک ایتیلگن عسکرلرنینگ عایلهلریگه خاص شکلده دقت قیلینیشی و باشقه موضوعلرنی توغریسیده جمهور رئیس بیلن صحبت قیلینگن؛ بیراق ایستکلری عمل گه آشیریلیشی خصوصیده، اونچهلیک امید قیلمهیدیلر.
اولرنینگ ایتیشیچه، اوتمیشلرده هم حکومت رسمیلری تامانیدن بوندهی سوزلر بیریلگن؛ بیراق بیریلگن سوزلر هیچ وقت عمل گه آشیریلمهگن.
ایتیلیشیچه، جمهور رئیس غنی قدرت گه ایریشگنیدن سونگ، بو کنر ولایتی گه اونینگ بیرینچی سفری دیر.
