چیگره‌سیز داکترلر کسل‌خانه‌سیده نامی فاش ایتیلیشی‌نی ایستمه‌گن بیر منبع‌نینگ سلام‌وطندارگه ایتیشیچه، اوتکن چهارشنبه کون کیچ قورونده مملکت خاص کوچلری، بو کسل‌خانه اوستی‌گه هجوم اویوشتیریب و اونی حجت‌لرینی تیکشیرگن.
بو ایش چیگره‌سیز داکترلر غضبله‌نیشی‌گه سبب بولگن، اولر بوهجوم‌گه قرشی ناراض‌لیک بیلدیریب، ساغلیک خذمتی‌دن قول تارتیب و کسل‌خانه ایشیگینی یاپگن.
ایتیلیشیچه بوندن آلدین، شبهه‌لر موجود ایدی، گویا بو کسل‌خانه‌ده طالبلرنینگ یره‌لنگن‌لری دارولنر ایکن. چیگره‌سیز کسل‌خانه منبع سی‌نینگ ایتیشیچه، امنیتی خاص کوچلر کسل‌خانه حجت‌لری ایچیدن قوراللی طالب‌لر گروهی‌گه تیگیشلی حجت قولگه کیریته آلمه‌گن.
گزارشلرگه کوره، امنیتی خاص کوچلر کندز ولایتی‌دن تشقری پایتخت بویروغی بیلن بو هجوم‌نی اویوشتیرگن. بیراق امنیتی رسمی‌لر حاضرگچه بو واقعه توغری‌سیده هیچ نرسه دیمه‌گن.
اوشبو ساغلیک مرکزی، مملکت شمال و شرق زونی‌ده اینگ یخشی جهازلنگن مرکز دییله‌دی و بیش ییل‌دن بویان کندز ولایتی‌ده فعالیت قیله‌دی. بو کسل‌خانه سونگی کونلرده چهاردره تومنی‌ده بیر نماینده‌لیگینی فعال قیلگن. مذکور تومن‌ده سونگی پیت‌لرده امنیتی کوچلر و قوراللی طالب‌لر اورته‌سیده یوزبیرگن توقنه‌شوولری جریانیده چیگره‌سیز داکترلر کسل‌خانه‌سی نیچه مرته قولمه قول بولگن.
امنیتی کوچلرگه کوره، چهاردره تومنی طالبلرنینگ قولیده بولگن چاغیده، اوشبو گروه یره‌لنگن‌لرینی دارولش اوچون، چیگره‌سیز داکترلر کسل‌خانه سی‌گه یوباره‌دی.
