بادغیس اهالیسی کسل‌لرینی دارولش اوچون دارو توزه‌له‌دیگن کوک اوت‌لردن فایده‌لنه‌دی. دارو توزه‌له‌دیگن کوک اوت‌لر بندسبزک، سینه‌سوخته‌گک، نورک و مدخان منطقه‌لریده اوسه‌دی.
بادغیس یشاوچی‌لردن بیر قطاری‌نینگ ایتیشیچه، بیر مدت‌دن بویان ناتانیش کیشی‌لر مذکور کوک اوت‌لرنی ایلدیزیدن اوزه‌دی. اولرگه کوره، دولت بو کیشیلرنینگ آلدینی آلمه‌گن صورت، دارو توزه‌له‌دیگن کوک اوت‌لرنی نسلی اورته‌دن کیتیشی ممکن و محل یشاوچیلری اونملی دارولش منبعی‌نی قول دن بیره‌دی.
بونینگ یانیده بادغیس یشاوچیلری‌نینگ ایتیشیچه، بیر قطار کیشی‌لر سوداگر آتیده دارو توزه‌له‌دیگن کوک اوت‌لرنی آلیب ساتیش‌گه قیزیقیب و بیش کیلو کوک اوت نی 40 افغانی ساتیب آله‌دی.
بادغیس ولایت کینگشی باشلیغی عبدالعزیز بیک اهالی‌نینگ اعتراضی نی تَن آلیب ایتیشیچه، کوک اوت‌لرنی ایلدیزیدن اوزیش خواطرلی دیر.
بادغیس یشش محیط اداره‌سی باشلیغی محمدمیرویس، دارو توزه‌له‌دیگن کوک اوت‌لر ایلدیزیدن اوزیلیشی گه اهالی‌نینگ قشاقلیگی سبب دیب بیراق ایتیشچه، اولرنینگ عامل‌لری قانون اساسیده تیرگاوگه آلینه‌دی.
بادغیس یشش محیط ریاستی باشلیغی‌نینگ ایتیشیچه، بو ولایتده اوسه‌دیگن کوک اوت‌لر درونه، پودینه، کاکوتی‌کوهی و اسفند دیر.
