د فوټبال نړۍ مشهوره پرتګالي فوټبالر کریسټیانو رونالډو ددوستۍ یو ستر مثال قایم کړ.
د هسپانیې تر ټولو مخکښ فوټبال لوبډلې غړی ریال ماډریډ له پاره لوبه کوونکي کریسټیانو رونالډو خپل ایجنټ ته د هغه د واده ترټولو ستره ډالۍ ورکړه.
رسنۍ وایي، چې رونالډو خپل ایجنټ ته د واده په ډالۍ کې د یونان یوه جزیره جې نوم یی ندې اخیستل شوې په نوم کړې ده، چې سلګونه زره ډالرارزښت لري.
ویل کیږي، چې اوسمهال د یونان نیږدې ۱۲ جزیرې خرڅلاو ته وړاندې شوي دي، چې هره یوه جزیره شاوخوا ۳ میلیونه یورو قیمت لري.
د کریسټیانو رونالډو ایجنټ جارج مینډیس تیره ورځ خپلې ملګرې سینډرا سره په پرتګال کې واده وکړ.
دواړه مینډیس او سینډرا له ۲۰۰۵ م ز کال راهیسې مینه او دوستي لري چې دواده وړاندې یې ۳ بچې هم پیدا شوي دي.
د یادونې وړ ده، چې جارج مینډیس یو وخت دپرتګالۍ فوټبال ملي لوبډلې لپاره په برید لیکه کې لوبیده، خو په ۲۰۰۳ کال کې یی د رونالډو د ایجنټ په توګه کار پیل کړ.
نوموړې اوسمهال ۴۹ کاله عمر لري او د فوټبال نړۍ یو ترټولو کامیابه ایجنټ شمیرل کیږي.
مینډیس په خپل وخت کې د فوټبال نړۍ بهترینه لوبغاړې شمیرل کیده چې د ۲۰۰۹ کال پورې په اولډ ټریفیډ فوټبال کلب له پاره په انګلستان کې لوبېده.
جارج مینډیس د مشهوره فوټبالر رونالډو ترټولو نیږدې دوست شمیرل کیږي، چې تراوسه ورسره کار کوي.
رونالډو د فوټبال نړۍ یو شتمن لوبغاړې شمیرل کیږي، چې ۳ ځلې یی د فوټبال نړۍ غوره فوټبالر جایزه ګټلې ده.
رسنۍ زیاتوي، چې کریسټیانو رونالډو د مینډیس په واده کې برخه اخیستې وه او دغه واده ته ې ځانګړی خوند او رنګ ورکړی وو.
