ساغلیک وزیرلیگی نینگ معلوماتی اساسیده، اوتگن 24 ساعت‌ده مملکتده کرونا ویروس گه شبهه‌لی 529 واقعه تیکشیریلگن کیم، بولردن 165 ته‌سی ایجابی انیق‌لنگن.
بوگون (شنبه 7- سرطان) مذکور وزیرلیک عامه علاقه‌لر مسئولی سعیدالدین جامی کرونا ویروس گه چلینگن‌لرنینگ کونده‌لیک رقمی نی ترقه‌تیش بیلن ایتیشیچه، مذکور ینگی واقعه‌لر قید ایتیلیشی بیلن مملکتده کرونا ویروسی گه چلینگنلر رقمی 30 مینگ و 616 کیشی گه ییتیشگن.
ساغلیک وزیرلیگی نینگ معلوماتی گه کوره، اوتگن بیر کیچه – کوندوز ده کرونا ویروسی گه چلینگن 20 کیشی جان بیرگن کیم بو رقم بیلن مملکتده کرونا ویروسی باعث هلاک بولگنلر سانی 703 کیشی گه ییتیشگن. شونینگدیک اوتگن 24 ساعت‌ده کرونا گه چلینگن 368 کیشی دارولنگن کیم بو رقم بیلن دارولنگنلر سانی 10 مینگ و 674 کیشی گه ییتیشگن.
عین حالده، چیگره‌سیز داکترلری هرات ولایتیده کووید – 19 نی دارولش بیر مرکزی آچیلگنیدن خبر بیرگن.
بوگون مذکور تشکیلات رسانه‌لرگه بیر خبرنامه یوبارگن کیم اونگه کیلیشیچه، اوشبو 32 یاتاقلی دارولش مرکزی هرات شهری نینگ «گذرگاه» منطقه‌سیده آچیلگن.
شونینگدیک دنیا ده حاضرگچه 9 میلیون و 912 مینگ‌دن آرتیق کیشی کرونا ویروس گه چلینگن کیم بولردن 497 مینگ‌دن آرتیغی هلاک و باشقه 5 میلیون و 362 مینگ‌دن آرتیغی ایسه دارولنگن.
