دنیا بانکی نینگ اعلام قیلیشیچه، بوگون (جمعه 19- ثور) مذکور بانک رهبرلیگی افغانستان ده اقتصادی و مالی بولیم‌لرده اصلاحات پروسه‌سی سقله‌نیشی و دوام ایتیشی و کرونا ویروسی گه قرشی کوره‌شیش توغریسیده، مذکور مملکتدن حمایت قیلیش اوچون 400 میلیون دالرلیک بیر یاردمی بسته نی تصویب قیلگن.
مذکور بانک نینگ بیر خبرنامه‌سیده کیلیشیچه، اوشبو مالی یاردم گه خلق‌ارا رواج‌لنتیریش اداره‌سی نینگ 160 میلیون دالر یاردمی و افغانستان قیته قوریلیشی صندوقی نینگ 240 میلیون دالر یاردمی شامل بوله‌دی.
دنیا بانکی نینگ ایتیشیچه، افغانستان میلادی 2020- ییل‌ده قطار قیینچیلیکلر بیلن روپه‌رو دیر و کرونا ویروسی مذکور مملکت نینگ وضعیتی اوستیگه سلبی تاثیر قوییشی ممکن.
دنیا بانکی گه کوره، چیگره‌لر یاپیق قالیشی، ترانسپورتی و سوداگرلیک توارلر ترانزیت ایتیش خدمتلر توخته‌تیلیشی دولت نینگ درآمدی کمه‌یشی گه سبب بولگن و عین حالده کرونا ویروسی نینگ آلدینی آلیش اوچون، مذکور مملکت شهرلری قرنطین قیلینگنی بو مملکت اقتصادی وضعیتی اوستیگه سلبی تاثیر قوییشی ممکن.
مذکور بانک نینگ کوپه‌یتیریشیچه، افغانستان‌ده قشاق‌لیک میزانی یوقاری دیر و عین حالده، بو مملکتده سیاسی و امنیتی قیینچیلیکلر دوام تاپماقده.
