.jpg)
پخوانی افغان ولسمشر حامد کرزی د "افغان غمېزې ماهیت او لرلید" په غونډه کې وویل، "امریکا باید د افغانستان ملي حاکمیت ته درناوی وکړي او افغان ولس دې دېته نه اړکوي، چې د امریکا مقابلې ته را ودانګي."
کرزی وايي، نن افغان ولس د امریکا لاسوهنو په وړاندې غبرګون نه ښيي، دا په دې معنا ده، چې ولس اوسنی روان حالت نه پوهاوی لري او دې ولس خپله خاوره د وینو په نظرانې ساتلې ده.
حامد کرزي وویل، چې افغانان د جګړې په ډګر کې تل بریالي وو، خو د سیاسي میدان یې بایللی دی.
پخوانی افغان ولسمشر وايي، د هرې ورځې په تېرېدو سره افغانستان د پاکستان تر اغیز لاندې راځي.
او په افغانستان کې موجوده ستونزو اړخ بهرنی دی او د دغو ستونزو د حل زیاته برخه له امریکا او پاکستان سره ده.
کرزی په داسې حال کې دغه څرګندونې کوي، چې د امریکې د بهرنیو چارو وزیر جان کېري، د ملي یووالي حکومت له مشرانو سره په لیدنه کې وویل، د ملي یووالي حکومت ۵ کلن دی.
زیات شمېر شنونکو د جان کېري دغه څرګندونې د افغانستان په چارو کې د امریکا ښکاره لاسوهنه یاده کړه.
همدا ډول پخوانی ولسمشر حامد کرزی وايي، چې د ملي یووالي حکومت د سیاسي هوکړې له مخې باید لویه جرګه راوبلي.
کرزی د اوسني نظام یو له جدي مخالفو څېرو بلل کيږي، چې تل يې د نورو سیاسي څېرو په واسطه خپل دریځ د ملي وحدت حکومت مشرانو ته رسولی دی.
او اوس يې په ښکاره دا څرګنده کړه، چې هغه د دغه نظام د دوام جدي مخالف دی او د اساسي قانون خلاف يې بولي.
