هلمند ولایت کینگشی‌نینگ اعضالریگه کوره، کجکی برق توغانی نا برقرارلیکلر سبب ایشی توخته‌تیلگن و کیله‌جکده بو توغان اوچون هم امید یوق.
هلمند ولایتی‌نینگ کجکی ولسواللیگی‌ده کجکی برق توغانی قندهار شهری‌نینگ 161 کیلو مترلیگیده‌گی هیرمند دریاسی اوستی‌ده قوریلگن.
مذکور نماینده‌لر، اوشبو توغاننی قیته قوریش ایشی بوندن اوچ آی آلدین مذکور ولایت مرکز حکومت تامانیدن اعتبار بیریلمه‌گنی سبب نابرقرارلیک‌لرگه دوچار بولگن بیر چاغده توخته‌تیلگن.
هلمند ولایت کینگشی‌نینگ باشلیغی محمدکریم اتل‌نینگ سوزلریگه کوره، کجکی توغانی قوریلیشی اوچون 300 میلیون دالر اختصاصلشتیریلگن؛ اما نا برقرارلیکلر سبب هنوزگچه مهندس‌لر همده اورنه‌تیله‌دیگن توربین‌لر بو ولایت‌گه آلیب کیلینمه‌گن.
هلمند ولایت کینگشی‌نینگ اورین باسری آخندزاده و ولایت اهالیسی مذکور توغانگه قوریله‌دیگن بعضی توربین‌لر تیار قیلینگن؛ لیکن منطق‌ده امنیت یوقلیگی سبب اوشبو توربین‌لر اورنه‌تیلمی قالگن دیگن‌لر.
آخندزاده‌گه کوره، حکومت لازم بولگن موادلرنی بو توغانگه ییتکزیب ایش باشلمه‌گن تقدیرده، بو توغان قوریلیشی اوچون بولگن موجود امیدلر توپراق بیلن یکسان بوله‌دی. اونینگ سوزلریگه قره‌گنده، توربین‌لرنی اورنه‌تیش اوچون موجود معمالر برطرف ایتیلگن حالده، اوشبو توغان برق ایشلب چیقاریش قابلیتی بوندن کوره هم کوپیه‌دی.
اما، برشنا شرکت‌نینگ مسووللری، ولایت کینگش نماینده‌لری ادعالرینی رد قیلیب ایتیشلریچه، بو توغانده ایش جریانی بار هنوزگچه 30 % ایش ایلگری کیتگن.
هملند برق ادارسی نینگ باشلیغی مهندس نصرالله قانع نینگ سلام‌وطندارگه بیلدیریشیچه، مهندسلرنی اوزگرتیش ایش جریانی‌ده بعضی قیین‌چیلیکلرنی توغدیرگن؛ اما هنوزگچه بو قیین‌چلیک حل ایتیلمه‌گن. او، حکومت موجود قیین‌چلیک‌نی حل ایتیلگن حالده، توغان‌نینگ ایشی دوام ایتیشی نا ممکن ایمس.
باشقه تاماندن قندهار ولایت برشنا شرکتی‌نینگ امان الله فاروقی، نا برقرارلیکلر کجکی توغانی ایش جریانی اوچون سلبی تاثیر قالدیرمه‌گن دیگن. اونگه کوره، توغانگه توربین اورنه‌تیش جریانی آلدینگی دیک عادی روشده جریان ایته‌دی.
فاروقی، حاضرگی کونده هم مذکور توغانگه توربین قوریش اوچون تیگیشلی شرکت‌نینگ 160کیشی ایشلاووچی‌سی خذمت بیلن مشغول ایکن‌لیگی باره‌سیده تاکیدله‌گن.
طالبلر و برق پولی
شونینگ‌دیک هلمند برق اداره‌سی‌نینگ مسووللریدن بیرگه کوره، هلمند ولایت مرکزی لشکرگاه شهریده صرفلنه‌دیگن برق نینگ اوچ برابری شمالی ولسواللیک‌لرگه کیته‌دی. اونگه کوره، مذکور تومن‌لر قوراللی طالب‌لرنینگ تصروفیده بولیب، مبلغی جنگریلر چونتگی‌گه کیره‌دی.
اوز نامی فاش ایتیلیشینی ایستمه‌گن بو شرکت‌نینگ رسمیلریدن بیری، حاضر کجکی بندیده ایکی توربین عملده ایش قیله‌دی، بو توغان‌نینگ سووی کوپیگن حالده، برق کوچی 32 مگاوات‌گه کوتاریله‌دی.
ایتیلیشیچه، بو توغان ایشلب چیقاره‌دیگن برق‌نینگ 12 مگاواتی قندهار، 5مگاواتی لشکرگاه و 15 مگاواتی ایسه سنگین، زمیداور، کجکی و سروا قلعه‌گه کیته‌دی. بو منطقه لر قوراللی طالبلر تامایدن باشقریلیب، میلیون افغانی ایسه طالبلر حرکتی چونته‌گی‌گه کیته‌دی.
ولایت اهالیسی، سونگی وقت‌لرده قوراللی طالبلر ولایتده بعضی قیته قوریش لایحه‌لرنی توخته‌تیب قویگن‌لر دیگن‌لر.
