هلمند کجکی توغانی‌نینگ قوریلیش بیتیمی افغانستان سوو برق وزیرلیگی بیلن ترکی 77 شرکتی اورته‌سیده امضالندی. بو توغان‌نینگ ایشلب چیقاره دیگن برق سیغیمی 100 میگاوات‌گه آشیریلیشی کوتیله‌دی.
اوشبو لایحه فایده‌له‌نیش‌گه تاپشیریلیشی بیلن کجکی توغانی بیر بوتون اون دن بیر میلیارد متر مکعب سوو انبار قیلیشی تخمین ایتیلگن.
اوشبو کیلیشو اساسی‌ده 77 ناملی ترکی شرکت مذکور لایحه اوستی‌ده سرمایه یاتقیزه‌دی. شونینگ‌دیک ترکی شرکت اوچ آی ایچیده مذکور توغان طرحینی مملکت سوو برق وزیرلیگی‌گه تاپشیره‌دی.
شرطنامه گه قول قوییلیشی مناسبتی بیلن جمهور رییس‌لیک سراییده اوتکزیلگن مجلس‌ده سوزله‌گن مملکت سوو برق وزیری فیض محمد عثمانی، کجکی توغانی نینگ ایکینچی باسقیچی اوچ ییل‌گه قدر قوریلیب، فایده له‌نیش‌گه تاپشیریله‌دی دیگن.
عثمانی، کجکی برق توغانی‌نینگ قوریلیش ایشی اوز پایانی‌گه ییتگن‌دن سونگ، بو توغان نینگ برق ایشلب چیقاریش سیغیمی ایکی برابرگه آشه دی دیگن.
کجکی بند لایحه‌سی قوریلیش ایشی‌نینگ بیرینچی باسقیچی 1332- ییل‌ده باشلنگن ایدی. حاضرگی کونده کونده بو توغان 33 میگاوات برق ایشلب چیقاریش قابلیتی‌گه ایگه.
هلمند کجکی توغانی‌نینگ لایحه‌سی افغانستان دولتی‌نینگ ترقیات پروژه‌لریدن حسابلنه‌دی. بو توغان مملکت چیگره حدودلریده‌گی سوو سقله‌نیب قالیشی، برق ایشلب چیقاریش و ایکین ییرلر سوولنتیریلیشی ریجه لنتیریلگن.
