بوگون "پنجشنبه" خلق ارا قاچقینلر ایامیدن حکومت رسمیلری و خلق ارا نهادلری اشتراکی بیلن کابلده نشانلندی.
اوشبو ییغینده مملکت قاچقینلر و باش پناه ایزلاوچیلر وزیری سیدحسین عالمی بلخی نینگ ایتیشیچه، اسلامآباد ده یولگه قوییلگن تورت تامانلمه ییغینده پاکستان و ایران نمایندهلری افغانستانلیک قاچقینلرنی زوردن چیقارمهیشی و اذیت قیلمهیشی خصوصیده تعهد بیرگنلر.
جناب بلخیگه کوره، افغانستانلیک قاچقینلرنی زوردن چیقاریلمهیشی خصوصیده اروپا مملکتلری مسووللری بیلن کیلیشوو اوچون سعی و حرکتلرنینگ دوامی بار.
قاچقینلر و باش پناه ایزلاوچیلر وزیرلیگی نینگ مسووللریگه کوره، ایچکی و چیتایللیک یاردم بیرووچی نهادلرنینگ قاچقینلرگه یاردم بیریش خصوصیده بو وازت بیلن مصلحت قیلیشی کیرهک.
شونینگدیک، افغانستان قاچقینلری بوییچه بیرلشگن ملتلر تشکیلاتی نمایندهسی کیارولاین نینگ ایتیشیچه، اوتگن 6 آی جریانیده پاکستان و ایرانده بولگن افغانستانلیک قاچقینلردن 112 مینگ تهسی زوردن چیقاریلگن.
عینحالده، ملی بیرلیک حکومتی نینگ اجراییه باشلیغی عبدالله عبدالله نینگ اوشبو ییغینده ایتیشیچه، امنیتی قیینچیلیکلر و طبیعی واقعهلر سبب، ایچکی قاچقینلر رقمی کوپهیگن دیر.
اجراییه ریاستی باشلیغیگه کوره، آواره بولگنلرگه همکارلیک قیلیش خصوصیده حکومت تامانیدن سعی و حرکتلر صورت تاپگن، بیراق ایچکی آوارهلر حاضرده هم ایشسیزلیک، باش پناهسیزلیک و باشقه قطار قیینچیلیکلردن رنج ایلتهدیلر.
مهاجرلر وزیرلیگی مسووللری تامانیدن ترقهتیلگن ارقاملرگه کوره، کمیده 2 یریم میلیون افغانستانلیک قاچقین ایرانده تیریکچیلیک قیلهدی و اولردن 950 مینگ تهسی بیرلشگن ملتلر تشکیلاتی تامانیدن قاچقینلیک حجت قولگه کیلتیرگنلر.
شونینگدیک، 2.4 میلیون افغانستانلیک قاچقین پاکستانده حیات کیچیرهدی و اولردن بیرمیلیون تهسینی قاچقینلیکی کارتی بار.
