افغانستان کانلر و پترولیم وزیرلیگینینگ بلند مرتبهلی مسؤوللریگه کوره، مس عینک کانینی قازیب چیقاریش لایحهسینینگ موجود برچه قیینچیلیک برطرف ایتیلگن، چین دولتی ایسه تیزلیکده مذکور کاننی قازیب چیقاریش ایشینی باشلهشی کیرهک
کانلر و پترولیم وزیری داوودشاه صبا لوگرنینگ مسعینک کانیگه قیلگن سفریده ایتیشیچه، خوفسیزلیک، تاریخی آبدهلر سقلهنیشی و منطقهنی مایندن تازهلش کبی موجود قیینچیلیکلر برطرف ایتیلگن.
جنابصبا، حاضر کاندهگی برچه معمالر حل ایتیلیب کان چینلیک شرکتگه تحویل بیریلیشی اوچون تیار ایکنلیگینی بیلدیرگن.
جنابصبا سوزلریگه کوره، امسیسی یا چینلیک شرکت بیلن افغانستان کانلر وزیرلیگی اورتهسیده امضالنگن کیلیشووده بیر آزا مشکل بار.
او، مذکور مشکل حل ایتلیشی اوچون کانلر وزیرلیگی همده چینلیک شرکت بیرلیکده ایش قیلهدی دیگن. صبا موجود معما حل ایتیلمهگن حالده، چینلیک شرکتگه اوشبو کانده ایش باشلهشگه رخصت بیریلسملیگی خصوصیده تاکیدلهگن.
باشقه تاماندن ییغینده سوزلهگن اخبارات و مدنیت وزیری عبدالباری جهانی، مسعینک ساحهسیدهگی تاریخی و باستانی آبدهلرنی تاپیش اوچون قدیرو عملیاتی ایکّی برابرگه کوپیتیریگن بو جریان تیزده اوز پایانیگه ییتهدی دیگن.
جناب جهانیگه کوره، چمهسی 25 نفر تشقی و ایچکی باستانشاس متخصصلر مذکور منطقهده تاریخی آبدهلرنی کشف قیلیش اوچون ایش آلیب بارماقدهلر.
کانلر وزیرلیگی یوقاری مرتبهلی رسمیلری، افغانستان حکومتی مس عینک کانینی قازیب چیقاریش لایحهسی عملی بولیشی بیلن 300دن 400 میلیون دالر درآمد قیلیشی ممکن لیگینی اظهار قیلگنلر.
شونینگدیک چینلیک امسیسی شرکت توغریسیده ناراضیلیک بیلدیرگن لوگر ولایت والیسی محمد حلیم فدایی مذکور شرکت کاننی قازیب چیقاریش ایشینی عملده باشلشنی سورهگن.
مس عینک کانی کابلنینگ جنوب غربیده جایلشگن لوگر ولایتینینگ محمدآغه ولسوالیگیده جایلشگن. مذکور مسعینک کانی افغانستانده بیرینچی و دنیاده ایسه ایکینچی ییرک کان سنهلهدی.
اوشبو کاننی قازیب چیقاریش لایحهسی بوندن 7ییل آلدین 2008-ییل اپریل آیینینگ 25- سیده افغانستان کانلر وزیرلیگی بیلن چیننینگ امسیسس شرکت اورتهسیده امضالنگن ایدی.
