اروپا بیرلشمه‌سی افغانستان دولتیدن کانلر ناقانونی قازیب چیقاریلیش جریانی تیز آره ده توخته‌تیلیشینی سوره‌گن. خلق ارا مذکور تشکیلات بیر اعلامیه نشر قیلیب حکومت‌دن کانلر وزیرلیگی اوچون « قدرتلی و ایشانچلی» بیر شخصنی تعیین قیلیش‌نی طلب قیلگن.
خبرنامه نینگ باشقه بیر بولیمی‌ده، کانللردن قولگه کیله دیگن پوللر دولت‌گه قره‌شلی معیین بیر شفاف حساب آرقه‌لی جمع لنشی اوستیده تاکید بولگن.
کانللرنی قازیب چیقاریش اوچون شرطنامه گه قول قویگن شرکتلر بو منبعلردن قولگه کیریته دیگن درآمدلری خصوصیده اهالیگه معلومات بیریشی ضرور.
کونگیللی روشده مالیه/ سالیق بیرمه‌یدیگن شرکتلر بیکار قیلینیشی اروپا بیرلشمه‌سی نینگ افغانستان حکومتی‌دن بولگن باشقه بیر ایسته‌گی حسابلنه‌دی.
شونینگدیک اروپا بیرلشمه‌سی افغانستان حکومتی‌گه مالی درآمد کیلتیرمه‌یدیگن بوتون شرکتلر قیته تیکشیریلیشی اوستیده تاکید قیلگن.
بدخشان ولایتی کران‌و‌منجان ولسواللیگی نینگ سرسنگ منطقه‌سیده‌گی لاجورد تاش کانی کبی ییریک کانلر مملکت کانلر وزیرلیگی‌گه اوتیشی کیره‌ک لیگی اورغولنگن.
اروپا بیرلشمه‌سی اوتگن هفته یکشنبه کونی افغانستان‌ده فسادگه قرشی کوره‌ش ییتی کونلیک لایحه‌نی باشله‌گن ایدی.
افغانستان‌ده اروپا بیرلشمه‌سی نینگ مخصوص نماینده‌سی فرانز مایکل میلیبن برنامه نینگ آچیلیش ییغینی‌ده، افغانستان حکومتی فسادگه قرشی کوره‌ش اوچون جدی بولمه‌گن حالده، حکومت بوتونلی تشقی مملکتلرنینگ کومکی‌گه باغله‌نیب قاله‌دی دیگن ایدی.
عین حالده، دنیا بویلب فسادنی تیکشیره دیگن خلق ارا تشکیلات نینگ ییللیک گزارشیده افغانستان 176 دولت ایچیده 169 اورینگه توشگن. بو رقمگه قره‌گنده افغانستان جهان‌ده فسادگه باتگن اوچینچی دولت‌دن سکیزینچی اورینگه کیلگن.
