کانتیننتال هجومی‌دن ساغ چیققنلر هوتل خوفسیزلیگی تامین ایتیلیش طریقه‌سیدن تنقید قیلیب، سقلاوچی کوچلر خوفسیزلیک خصوصیده توجه‌سیزلیک قیلگنلیکلرینی ایتماقده‌لر. اولر اسکنر ماشینلری بوزوقلیگی سبب هوتل‌گه کیره‌یاتگنلر بدنلری یخشی قیدیلرمسلیگینی‌هم ایته‌دیلر.
ساغ چیققنلردن سید ذکریا هاشمی‌نینگ سلام وطندارگه ایتیشیچه، برچه کیشیلر تیکشیریلمس‌دن هوتل ایچی‌گه باریشرکن.
اولردن ینه بیر نوید اسکنر ماشینلر بوزوقلیگی سبب قیدیریلمس‌دن هوتل‌گه کیرگنینی ایتگن.
حادثه عینی شاهدلری هجومچیلر اتاقلرگه کیریب خلق‌نی اوققه توتیشلرینی معلوم قیلماقده‌لر.
اولر رسانه‌لرگه ترقه‌تیلگن‌دن کوپراق کیشی اولیب یره‌لنگنینی ایته‌دیلر.
ایچکی ایشلر وزیرلیگی‌نینگ سوزچیسی نصرت رحیمی، انترکانتیننتال خوفسیزلیگینی تامینلش خصوصی شرکتلردن بیری‌نینگ ذمه‌سیگه بولگنینی ایتیب حاضر اولر شرکت ایشلرینی توخته قویگنلیکلرنی معلوم قیله‌دی.
رحیمی حادثه حقید هلی هم تیکشیرولر بارلیگینی ایتگن.
اجتماعی ترماغلرده نشرایتیلگن صحبتلرگه کوره هجومچیلر قومندانلری بیلن جنوب لهجه‌سیده پشتو گپلشگنلر. هجومچیلرگه بویوروق بیرگن کیشینینگ گپلریدن پاکستان قبایل منطقه سیدن بولگنی معلوم بوله‌دی.
بونده قومندانلر ولایت والی و ملازملر‌ی هوتل‌ده اولرنی اولدیریشلرنی بویوره‌دی.
اولرگه هوتل ایشیکلرینی قول بمبی بیلن آشیش ایتیلگن
بوهجوم آرقلی هلاک بولگنلر سانی ایچکی ایشلر وزیرلیگی تمانیدن 18کیشی دیب ایتیلگن.
