طالبان گروهی اوتکن کیچه تخار ولایتی دشت قلعه تومنینینگ آیخانم بندریده بولگن چیگره پولیس پوستهسی اوستیگه هجوم قیلیب و مذکور پوستهنی نظارتیگه آلگن.
دشت قلعه تومننینگ ولسوالی قیوم قانعنینگ ایتیشیچه، مذکور هجومده امنیتی کوچلردن 2 تهسی هلاک و باشقه 2 تهسی یرهلهنیب شونینگدیک باشقه 6 تهسی طالبان قولیگه توشگن.
جناب قانع گه کوره، طالبان گروهی امنیتی کوچلرنینگ قطار حربی تجهیزاتلری و آزقه اوقات لرینی اوزلری بیلن آلیب کیتگن.
آی خانم بندریده بولگن چیگره پوسته اوستیگه هجوم ایتیلیش شایعهسی نیچه کون آلدن اهالی آرهسیده ترقهلگن ایدی؛ بیراق طالبلرنینگ هجوملریگه قرشی هیچ قندی تیارگرلیک آلینمهگن.
عینحالده تخار حاکمینینگ سوزلاوچیسی سنتالله تیمورنینگ ایتیشیچه، دشتقلعه تومنینینگ قول دن کیتگن منطقهلرنی قیتهدن آلیش اوچون تیزلیککه قوشنی عملیات یولگه قویلهدی.
طالبان گروهی بیر اعلامیه ترقهتیش بیلن مذکور هجومده چیگره پولیسینینگ 8 رنجر و 3 تانگی اوشبو گروه جنگره لری قولیگه توشگنی نی ادعا قیلگن.
