امریکا مدافعه وزیری اشتون کارترنینگ ایتیشیچه، مملکتی و اتفاقداشلرینی تهدید قیله‌دیگن ترورچی گروه‌لر باشلیغ‌لری دنیا نینگ قیسی نقطه‌سیده هم بولسه نشانگه آلینه‌دی.
او آلدیندن اعلان ایتیلمه‌گن سفر بیلن کابل کیلگن ایدی. جمهور رییس غنی بیلن قوشمه خبری انجمن‌ده سوزله‌گن کارتر، کیره‌ک بولگنده افغانستان امنیتی کوچلری بیلن بیرگه‌لیک عملیات اوتکزیلیشینی بیلدیرگن.
کارترنینگ معلوم قیلیشیچه، افغانستان امنیتی کوچلری یالغیزلیک‌ده عملیات اوتکزه دیلر و بوندن کیین احتیاج بولگنده امیریکه حربی‌لری بیلن هم بیرگه‌لیکده عملیاتلر اوتکزه آله‌دیلر.
افغانستان امنیتی کوچلری قابلیتی آشگن لیگیگه اشاره قیلگن جناب کارتر، عصیانچیلرگه قرشی کوره‌ش‌ده مذکور کوچلر اوروشیش‌لریگه تأکید قیلگن.
امریکا مدافعه وزیری اسلام‌آباد بیلن واشنگتن علاقه‌لری باره‌سیده ایتیشیچه، امریکا بیلن پاکستان رابطه‌لری اوزاغ زمانلردن بیری بولگن و بو ایکّی مملکت ترورچیلرگه بیرلیک‌ده قرشی کوره‌شیب کیلماقده‌لر.
مذکور اولتیریش‌ده جمهور رییس غنی افغانستان‌گه کورسه‌تیله‌دیگن یاردم‌لر تینیق‌لیگی‌گه تأکید قیلیب ایتیشیچه، امنیتی کوچلرگه بیریلگن هر بیر دالر حسابینی بیریشی لازم.
جناب غنی کابل بیلن اسلام‌آباد علاق‌هسی بوزیلمه‌گن، بلکه بو توغریده تفصیلات بیریلگن دیدی.
اقش مدافعه وزیری نینگ افغانستان قیلگن بو سفری، امیریکه قوشمه ایالت‌لری جمهور رییسی باراک اوباما میلادی 2017- ییل‌گه قدر خلق ارا حربی کوچلرب‌نینگ 8400 ته‌سی افغانستانده قالیشی‌نی اعلان قیلگن بیر پیت‌ده توغری کیلماقده.
