د کورنیو چارو وزارت وايي، ځانمرګی برید نن سهار شاوخوا ۷ بجې د کابل د ۵مې امنیتي حوزې اړوند شوی چې په پايله کې يې ۶ کسان وژل شوي او ۱۳نور ټپيان دي.
دا پېښه د مارشال قسیم فهیم پوځي پوهنتون ته څېرمه قمبر څلورلارې کې هغه مهال شوې ده چې کله د ياد پوهنتون زدهکړيالان پوهنتون ته روان وو.
د کورنيو چارو وزارت وياند نصرت رحيمي پر خپله ټوېټر پاڼه ليکلي چې په دې چاودنه کې ۲ ملکي وګړي او ۴ امنیتي ځواکونه وژل شوي دي او د ۵ ملکي وګړو په ګډون ۱۳ د ملي اردو سرتېري ټپیان شوي هم دي.
خو د دفاع وزارت یوه اعلامیه کې ویلي، دغه ځانمرګي برید کې ۴ د ملي اردو سرتېري او ۱ ملکي وګړی وژل شوی او یو ملکي وګړی او ۵ امنيتي ځواکونه ټپیان دي.
د ملي يووالي حکومت له اجراييه رياسته په خپره شوې خبرپاڼه کې د عبدالله عبدالله له لوري دا پېښه غندل شوې ده.
تراوسه کومې ډلې د برید مسوولیت نه دی منلی.
دا کابل ښار کې تر نسبي ارامۍ وروسته پېښه ده چې ملکيانو او پوځیانو ته په کې مرګژوبله اوړي.
