افغانستان برقی‌نی تأمین‌لاوچی برشنا شرکتی رسمی‌لری‌نینگ ایتیشیچه، بغلان محلی رسمی‌لری، برق پایه‌سی ییقیلگن منطقه ماین‌لری بوگون ساعت بیرگچه تازه‌له‌نیشی خصوصیده ایشانچ بیرگن.
برشنا شرکتی نشرات باشلیغی وحید توحیدی‌نینگ سلام‌وطندارگه ایتیشیچه، حاضر مذکور پایه منطقه‌سی امنیتی کوچلر نظارتی‌ده بولگن و منطقه ماین‌لری تازه‌لنگنی‌دن کیین، اولر آلتی ساعت ایچیده بوزیلگن پایه‌نی قیته قوریش‌لری ممکن.
کابل شهری‌نینگ 280 مگاوات برقی اوزبیکستاندن آلیب کیلینه‌دیگن برق بیلن تأمین‌لنه‌دی.
اوتگن (سه‌شنبه کیچه) کابل شهری‌نینگ برقی کیسیلگنی‌دن کیین، حکومت رسمی‌لری‌نینگ معلوم قیلیشیچه، امنیتی کوچلر بیلن طالب‌لر اورته‌سیده یوزبیرگن توقنه‌شوو جریانیده، مذکور گروه دندشهاب‌الدین منطقه‌سیده، برق پایه‌لریدن بیرینی پارتله‌تگن.
بیراق، قورال‌لی طالب‌لر بیر خبرنامه ترقه‌تیب، مذکور پایه امنیتی کوچلر تامانیدن آتیلگن توپ نتیجه‌سیده بوزیلگنینی ایتگن، بیراق امنیتی رسمی‌لر طالب‌لرنینگ بو ادعاسینی رد قیلگن.
برشنا شرکتی نشرات باشلیغی‌نینگ ایتیشیچه، بغلان‌ده پارتله‌تیلگن پایه قیته قوریلگینچه، هر 24 ساعت ایچیده، کابل یشاوچی‌لری‌گه یالغیز تورت و بیش ساعت برق بیره‌آله‌دی.
جناب توحیدی‌نینگ ایتیشیچه، حاضر برشنا اختیاریده 155 مگاوات برق بار، بو جمله‌دن 80 مگاواتی تاجیکستاندن و باشقه 75 میگاواتی حرارتی منبع‌لردن تأمین‌لنه‌دی.
اوتگن کون بغلان حاکمی عبدالستار بارزنینگ ایتیشیچه، برشنا شرکتی ایشچی‌لری بیلن امنیتی کوچلرنی بیر کندکی محل‌گه ییتیشگن و شونینگ‌دیک ایشانچ بیریشیچه، برق پایه‌سینی قیته قوریش ایشی بوگونگچه باشلنه‌دی.
