افغانستانلیک بیر قنچه سیاسی تحلیلچی‌لر سونگی کونلرده تورخم ده افغانستان – پاکستان چیگره‌چی لری اورته‌سیده یوز بیرگن قوراللی توقنشوو نینگ بیرینچی عاملی کابل – دهلی همکارلیگی آشیشی، مملکت سووی سقله‌نیشی اوچون دولت‌نینگ سعی وحرکتی و دنیا همجعیتی آرقه‌لی پاکستان باسیم آستی‌گه آلینیشی باعث بولگن لیگی‌نی ایتیه دیلر.
سیاسی تحلیلچی محمداسحاق اتمرنینگ سلام‌وطندارگه ایتیشیچه، سلما برق توغانی هند مالی همکارلیگی بیلن قوریلیشی، کجکی توغانی ایشی باشله‌نیشی و کابل – ینگی دهلی نینگ علاقه‌سی یخشی له‌نیشی پاکستان نینگ غضبی‌گه سبب بولدی. جناب اتمر، پاکستان افغانستان‌نی باسیم آستی‌گه آلیش اوچون شونده‌ی بیر بهانه‌نی ایزله یر ایدی دیگن. او، پاکستان حربی‌لری تورخم اوتیش یولی‌ده حربی پوسته قوریش‌گه اولگورگن لیکلرینی اسلام آباد‌نینگ ینگی برنامه‌سی دیگن. شونینگ‌دیک، هند افغانستان حکومتی‌گه بولگن همکارلیک‌لرینی قیسقرتیرمه گونگه قدر، پاکستان‌نینگ بو قبیل باسیملری دام تارتیشی بارهسیده تاکید ایتگن.
سیاسی تحلیلچی‌لردن باشقه بیری احمد سعیدی، پاکستان ملی بیرلیک حکومتی بیلن علاقه‌سینی کوچلنتیریب منطقه وی رقابت‌لرده هندوستاندن اوتماقچی بوله‌دی، لیکن بو سعی و حرکت‌لر نتیجه بیرمیدی دیدی.
سعیدی‌گه کوره، پاکستان – افغانستان حکومتی‌گه بیرگن وعده‌لریگه ضد عمل قیلیشی، رسمی کابل‌نی هند بیلن علاقه‌سینی مستحکم قیلیش‌گه باعث بولدی؛ عین حالده بو تدبیر اسلام آباد‌نی غضبلنترگن.
ترورچی گروه لر پاکستان توپراغیده مرکزله‌شیشی اوچون بو مملکت دنیا جماعه چیلیگی آرقه‌لی سیاسی باسیم آستی‌گه آلینیشی هم پاکستانلیک حربی‌لر چیگره ده قوراللی توقنشوگه قول اوروش‌لری اوچون باشقه بیر عامل دیگن جناب سعیدی.
بوندن بیش کون اول پاکستانلیک چیگره‌چی‌لر، چیگره‌نینگ صفری منطقه‌سیده حربی قرارگاه تاسیس قیلیش اوچون اولگورگن‌ده افغان چیگره‌چی‌لرنینگ مقاومتی‌گه روپه ره بولگن لیگی نتیجه‌سیده قوراللی توقنشو یوز بیرگن ایدی.
عین حالده، پاکستانلیک حربی‌لر هر قنده‌ی بولمسه‌سین، تورخم بندریده حربی قرارگاه قوریش اوچون تاکید قیلیب کیلماقده‌لر. اما افغانستان حکومتی بو توغریده پاکستان بیلن امضالنگن کیلیشوو اساسیده پاکستان تورخم‌ده حربی پوسه قوریش حقی‌گه ایگه ایمس.
افغانستان تشقی ایشلر وزیرلیگی‌نینگ اورین باسری حکمت خلیل کرزی رهبرلیگی‌ده‌گی هیات اوشبو مساله بارهسیده پاکستان تامانی بیلن مذاکره قیلیش اوچون او مملکت‌گه سفر قیلیشی کوتیله‌دی.
