.jpg)
ولسمشرۍ ماڼۍ وایي ټاکل شوې سبا ورځ (جمعه) د پاکستان لومړی وزیر شاهد خاقان عباسي افغانستان ته په رسمي سفر راشي.
خو د چارو ځېنې شنونکي وايي، افغانستان ته د پاکستاني چارواکیو تېرو سفرونو ته په کتو؛ کابل ته د پاکستان د لومړي وزیر سفر پایلې ته هیلهمندي نهلري.
د چارو شنونکي اکبرجان فولاد سلاموطندار سره په خبرو کې وویل، اسلاماباد سیاسي لوبه کوي او دا سفرونه د افغان دولت او بهرنیانو د غولولو په موخه ترسره کېږي.
دغهراز د چارو بل شنونکی یونس فکور وایي، پاکستاني چارواکي له یوې خوا مذاکرات کوي او بل لور ترهګر روزي.
هغه زیاتوي، اوس چې پاکستان د امریکا تر فشار لاندې راغلی نو د خپلو موخو د تعقیب لهپاره یې په سیاسي برخه کې هڅې زیاتې کړي دي .
هغه وايي، اسلاماباد به هېڅکله له کابل سره سیاسي جوړجاړي ته ونه رسېږي.
.jpg)
د ولسمشرۍ ماڼۍ مرستیال ویاند دواخان مینهپال وایي، د کابل پروسې له اعلان سره سم افغان دولت غواړي له اسلاماباد سره د دولتونو په کچه د خبرو لړۍ پیل کړي.
ښاغلی مینهپال وايي، د پاکستان لومړي وزیر شاهد خاقان عباسي سره به په خبرو کې د افغانستان په سرحدي سیمو د هغه هېواد له لوري د توغندیو ویشتو او نورو ټولو هغو مسایلو په اړه خبرې وشي؛ چې د دواړو هېوادونو حکومتونه پرې ستونزې لري.
د پاکستان لومړی وزیر شاهد خاقان عباسي داسې حال کې افغانستان ته سفر کوي، چې تېره ورځ پاکستانیو جېټ الوتکیو د کونړ ولایت په ځېنو سیمو بمونه غورځولي او په تېرو ۲۴ ساعتونو کې دغه هېواد د کونړ په دانګام، شلتن، ناړې او سرکاڼو ولسوالیو نږدې ۷۰۰ توغندي راتوغولي.
