کابل بیلیم یورتی استادلری‌نینگ بیر قطاری آیلیک‌لری تولنمسلیگی سبب تحصن‌گه قول اورگن‌لر. مذکور استادلر، آلتی آیدن بیری آیلیک‌لری تولنمه‌گن لیگینی ایتگن‌لر.
تحصن قیلگن‌لر کابل بیلیم یورتی روانشناس، ژورنالیزم، ادبیات، حقوق، اجتماعی بیلیم‌لر، اسلامیت، زمین شناسلیک و ایکین‌چیلیک فاکولته‌سی استادلریدن عبارت. مذکور استادلر تامانیدن کابل بیلیم یورتی ریاستی‌گه یوباریلگن نامه‌ده، آیلیک‌لری تولنمه‌گن حالده، درسی صنفلرگه بارمس‌لیک‌لرینی ایتگن‌لر.
آیلیگی کوپ وقت‌دن بیری تولنمه‌گنی باعث کیچکی صنفلرگه درس بیریش اوچون بارمه‌گن احمدضیا رفعت‌نینگ سلام وطندارگه ایتیشیچه، بو ینگی موضوع ایمس اوزاق ییل‌لردن بیری بونده‌ی معما بیلن روپه ره لر. جناب رفعت، هر مرته صنف‌نی ترک قیلیش همده تحصن اعلان قیلیش بیلن آیلیک‌لری قول‌گه کیریتیلیشی‌نی بیلدیرگن.
عالی تحصیلات وزیرلیگی‌نینگ کیچی بولیم اوچون اعتبار قرتمه‌گن‌لیککه عیب‌له‌گن جناب رفعت، مذکور وزیرلیک استادلر آیلیگی توله‌نیلیشی اوچون هیچ قنده‌ی لایحه‌سی یوق.
باشقه استادلردن بیری عزیزاحمد فانوس‌گه کوره، تشقی قول‌لر کابل بیلیم یورتی کیچکی بولیمی کوچ سیزلنتیریلیب اورته‌دن کوتاریلیشی اوچون سعی وحرکت قیله دیلر. جناب فانوس، مذکور ایش خصوصی بیلیم یورت‌لر بازاری قیزیقتیریلیشی اوچون کیچکی بولیم بیکار ایتیلیشی گه سعی وحرکت ایتیله‌دی دیگن.
عین حالده، مملکت عالی تحصیلات وزیرلیگی‌نینگ بلند مرتبه‌لی رسمیلری، جاری ییل پایانی‌گه قدر مذکور فاکولته‌لر استادلری‌نینگ برچه‌سی‌نینگ آیلیگی توله‌نیشیلینی معلوم قیلگن‌لر. عالی تحصیلات وزیرلیگی نشرات بولیمی نینگ باشلیغی مالیه وزیرلیگی‌ده‌گی موجود معمالر اوشبو استادلر آیلیگی تولنمسلیگی اوچون بیرینچی دلیل دیگن.
استادلر آیلیگی تولنمسلیگی کابل بیلیم یورتی کیچکی بولیم فاکولته‌سی استادلری‌نینگ یالغوز قیین‌چیلیگی بولمی، بلکه مذکور بیلیم یورت ترانسپورت خذمتی هم بیکار ایتلیشی هم باشقه بیر معما سنه‌لیشی ایتیله‌دی.
