.jpg)
د اسیا زړه ملتونو د همپالنې بهیر بنسټاېښودونکیو او د امنیت شورا د پالیسۍ او انسجام شورا مشر محبالله نوري نن کابل کې یوې خبري غونډه کې د ټاپي پروژې د پرانېستې مراسمو له پیله په ملاتړ وايي، ټاپي په افغانستان کې یوه بېمخینې اقتصادي پروژه ده چې ملاتړ یې ضروري دی.
د ښاغلي نوري په خبره، ټول افغانان باید د هېواد لهدې سترې اقتصادي پروژې ملاتړ وکړي.
د پانګونې، صنعت او سوداګرۍ وزارت د خصوصي سکتور او صنایعو معین فیروز مسجدي دې غونډې ته وویل، ټاپي پروژه افغانستان د ټرانزیټ له یوې څلور لارې سره نښلوي.
په همدې حال کې د ولسمشرۍ ماڼۍ ځایناستي ویاند شاهحسین مرتضوي یوې بلې خبري غونډې ته ویلي، د ټاپي پروژې پرانیستې سره به هېواد کې مناسب کاري فرصتونه رامنځته شي.
.jpg)
مسوولان ریاست اطلاعات و فرهنگ هرات تلاش دارند همزمان با گشایش پروژه تاپی، فرهنگ و عنعنات افغانستان به ویژه هرات را به نمایش بگذارند.
د هرات د اطلاعاتو او کلتور ریاست مسوولان هڅه کوي چې د ټاپي پروژې له پرانېستې سره به د افغانستان عنعنات نندارې ته وړاندې کړي او په بشپړ ډول به د دې پروژې ملاتړ وکړي.
سبا به د ټاپي پروژې د کار په پیل سره د اورګاډي پټلۍ، نوري فایبر، اوبو او برېښنا سړکونو او بېلابېلو برخو کې مهم کاري فرصتونه برابر شي.
ټاپي یا له ترکمنستانه د افغانستان له لارې پاکستان او هند ته د ګازو لېږد پروژه، سیمه کې له سترو اقتصادي پروژو ده چې د کار په پیل سره به یې د افغانستان سلګونه کسانو ته د کار زمینه برابره شي.
