.jpg)
لوگر ولایتی‌نینگ مرکزی پل‌علم ده اونلرچه اعتراضچی پاکستان‌گه قرشی شعارلر بیریب و قتناو یولنی نیچه ساعت توسگن‌لر.
شونینگ‌دیک، اعتراضچی‌لر پاکستان بیره‌قی‌نی اوتگه تارتیب و افغانستانده پاکستان اوچون ایش قیله‌دیگن کیشی‌لرگه قرشی هم شعار بیریشگن‌لر.
اوشبو اعتراضچی‌لر حکومتدن کابل‌ده پاکستان ایلچی خانه‌سینی یاپیب و شونینگ‌دیک، تورخم چیگره‌سی یاپیلیشی‌نی طلب قیلگن‌لر.
رقم‌لری 500 دن آرتیق بولگن اعتراضچی‌لر حکومتدن اسلام‌آباد بیلن بولگن علاقه بوتونله‌ی کیسیلیشی‌نی سوره‌گن.
.jpg)
اوشبو اعتراضلر سونگی کونلرده کابل-اسلام‌آباد علاقه‌سی ساووقلشگن بیرچاغده یولگه قوییلگن. اوتگن بیر آیده اسلام‌آباد دن بلند مرتبه‌لی بیر هیأت کابل‌گه کیلدی و شونینگ‌دیک، سونگی قانلی واقعه‌لر توغریسیده سوزلش اوچون افغانستان تامانیدن ایکی هیأت پاکستان‌گه یوباریلدی.
اوشبو باردی و کیلدی‌لر نتیجه‌سیده پاکستان بیر آی آلدین کانتیننتال هوتلی و ایچکی ایشلر وزیرلیگی اوستیگه اویوشتیریلگن هجوملرنی تیکشیریشی توغریسیده سوز بیردی.
