لوگر ولایتی مرکزی پل علمده ولایت محلی رسمیلری حضوریده دستلبکی تازه ایچیملیک سوو چیقاریش لایحهسی ایشی باشلندی. لوگر بلدیهسینینگ رسمیلریگه کوره، مذکور لایحه هزینهسی بیر میلیون دالر تخمین قیلینیب، شهر قوریش وزیرلیگی تمانیدن تأمین ایتیلهدی.
پل علم شاروالی نصیراحمد للیزی نینگ ایتیشیچه، اوشبو ایچیملیک سوو شبکهسیدن ایش آلینیشی بیلن 3 مینگ عایله تازه ایچیملیک سوو بیلن تأمینلنهدی و اهالی اورته سیدهگی موجود کسللیکلر ایسه آلدی آلینهدی.
اونگه کوره، اوشبو لایحهده 3 قودوق، بیر جنراتور، ایکی سوو چیقارهدیگن اوسکونه/واترپمپ، 2.4 کیلومتر سوو پیپی و 1200 متر مکعبلیک ایکی سوو ایدیشی شامل.
اوشبو سوو ییتکزوچی ترماغینی مذکور ولایتده ییترلی ایمس دیگن لوگر والیسی محمدحلیم فدایی گه کوره، شهر قوریش وزیرلیگی اولرگه حاضرگی لایحه ایکینچی قسمینی هم عملی قیلیش وعده سینی بیرگن ایکن.
پل علم یشاوچیلری تازه ایچیملیک سوو لایحهسینی خوش قرشیلب دولتدن مذکور لایحه ایشینی جدیت بیلن تیکشیریب یکونلهنیشینی سورهیدیلر.
