کابل‌ده یوز بیرگن خودکش هجوم‌ده 7 کیشی هلاک و 9 کیشی یره‌لنگن
بوگون «دوشنبه» ایرته‌لب ساعت 11 و 30 دقیقه اطرافیده، کابل شهری بیر خودکش هجوم گه گواه بولدی.
سلام‌وطندارگه صحبت بیرگن کابل پولیس قومندانلیگی سوزلاوچیسی حشمت استانکزی‌نینگ ایتیشیچه، اوشبو هجوم دین عالم‌لری‌نینگ ییغینی گه میزبان بویوک‌لر جرگه‌سی تالاری‌نینگ یقینی شهرنینگ بیشینچی ناحیه‌سیده یوز بیرگن.
جناب استانکزی گه کوره، اوشبو هجوم نتیجه‌سیده 7 کیشی هلاک و باشقه 9 کیشی یره‌لنگن.
کابل پولیس قومندانلیگی سوزلاوچیسی گه کوره، بو رقم نهایی بولمه‌گن و رقم اوزگریشی ممکن.
اوشبو خودکش هجوم، بویوک‌لر جرگه‌سی‌نینگ تالاریده اسلام دینی نقطه‌ای نظریدن خودکش و پارتلش هجوم‌لرنی قاره‌لش توغریسیده، دین عالم‌لری تامانیدن یولگه قوییلگن ییغین یکونلنگن بیرچاغده، یوز بیرگن.
