مملکت‌ده طالب‌لر حاکمیتی آغدریلگن‌دن سونگ برچه نرسه‌لر کوتیلمه‌گن درجه‌ده اوزگریب کیتدی. سیاسی، مذهبی مساله‌لردن آلیب اجتماعی و فرهنگی عادت‌لر. بو اوزگریش ارسطویی سوزلر اساسیده نرسه‌لر جوهریده ایمس بلکه صورتی‌ده کورینه‌دی. بو اوزگریش فقط صورت‌لرگه چیکله‌نیب قالمی، بلکه اهالی‌نینگ کورینیش سیماسینی اوزگرتیردی. انه شو سبب تورلی ساحه‌لرده ایریم کیلینکلر آچیلیب فعالیت‌گه باشله‌دی. بو کیلینک‌لرنینگ کته قسمی پایتخت کابل‌ده فعالیت قیله‌دی.
کوپچی‌لیک‌نینگ نظریده افغانستان‌نینگ شرایطی و وضعیتی انابت‌گه آلینگن حالده، بونده‌ی کیلینک‌لرنینگ اقتصادی همده اخلاقی لحاظدن فعالیت قیلیشی اونچه‌لیک ماس کیلمیدی. اما کیلینکلر ایگه‌سیگه کوره، بو کیلینکلر مملکت‌نینگ اقتصادی همده امنیتی وضعیتی‌نی نظرده توتمه‌گن حالده، اونچه‌لیک هم یامان ایمس. بو کیلینکلرده کوپینچه اوروش‌لرده همده خانه‌دانلرده زوروانلیک‌لر نتیجه‌سیده سیماسی داغ بولگن‌لر دواله‌نیب کیلینماقده.
اما، کورینیشچه، بوگون اهالی‌نینگ کته قسمی‌نی تشکیل قیلگن خاتین – قیزلرنی بو کیلینکلر اوزیگه شفته قیلیشی اوچون بیرینچی و اساسی عامل هم عیاللر سیماسینی اوزگریب یوزینی چیرایلی قیلیش‌دیر. سونگی ایکی ییل جریانیده پایتخت کابل‌ده بو قبیل کیلینک‌لرگه مراجعه قیلیش رونق تاپگن. تیری جراحلری سوزلریگه قره‌گنده، عیال‌لرنینگ بیلیم سویه‌سی یوقاری کیتلیشی همده انترنیت صحیفه‌لریده بو توغریده مطالعه آشگنی خاتین قیزلر یوز تیریلریده موجود داغلرنی تازه‌لش‌لری اوچون ترغیب قیلگن مساله دیر.
.jpg)
کابل‌ده‌گی جلد جراح‌لریگه کوره، بورون‌نی کته و کیچیک قیلیش، یوزده‌گی خطلرنی کوتاریش عیاللر ایچیده و و باش‌گه ساچ ایکیش ایسه ایرکک‌لراوچون رایج موردلردن سنه‌له‌دی. داکتر محمد صابر صبور، کونده کیلینک‌گه 40 – 50 کیشی مراجعه قیله‌دی.
کابل‌ده پلاستیک جراحلردن بیری داکتر عبدالغفار غیورنینگ سوزلریگه کوره، سیماسی عملیات بولگن‌دن سونگ، کیشی‌لر اوزلریگه چیرایلیک سیزگن‌دن سونگ خرسند بوله‌دیلر و اوزلریگه نسبتن ایشانچی آشه‌دی.
تیری و یوز جراحلری‌نینگ کوپچی‌لیکلری سوزیگه قره‌گنده، کوپینچه مراجعه قیله دیگن شخص‌لر اوز لریگه ایجابی اوزگریش کیلیتیریش بیلن حیات‌لری و ایشلریگه رواجله‌نیش سیزه‌دیلر. کوپینچه رسانه‌لرده همده دولت یوقاری مرتبه‌لی لوازملریده خذمت قیله دیگن شخص‌لر اوز سیمالرینی جراحلیک آرقه‌لی چیریالی قلیش‌گه حرکت قیله‌دیلر.
داکتر غیورگه کوره، غرب مملکت‌لریده بورون جراح‌لیگی 800 دن 1000 امریکه دالرگه توره‌دی، اما افغانستانده بو جراحلیک اوچون 500 دالر صرفلنه‌دی.
.jpg)
زهرا، کوز عملیاتی اوتکزگن قیزلردن بیری. اونینگ حکایه‌سیگه کوره، عیاللر اوزیگه اعتبار بیریشی لازم. او، خاتین – قیزلر چیرایلی بولیش‌لری اوچون کته اهمیت بیریشی اوچون تاکیدلیدی.
شونینگ‌د‌یک یوزیده‌گی خطلرنی یوق قیلیش اوچون کیلینکلردن بیریگه مراجعه قیلگن‌لردن بیر لیلاگه کوره، برچه انسانلر اینیقسه خاتین – قیزلر چیرایلیگی اوچون ییریک اهمیت بیریشی ضرور. لیلا، یوزینی پلاستیک جراحلیک قیلگن‌دن بیری اعتماد نفسی آشگن‌لیگی‌نی بیلدیره‌دی.
پلاستیک جراحلیگی‌نینگ بیرینچی مرته عملی بولگن‌لیگیدن اونچه وقت اوتمیدی. بیرینچی مرته جراحلیک عملیات میلادی 1980- ییلده امریکه‌ده رواجلندی. شو جراحلیک ییگیرمنچی قرن نینگ اول‌لریده افغانستانده هم رواجلندی. لیکن، هنوز هم اخلاقی، اقتصادی همده اجتماعی مساله‌لر بو جراحلیک مملکت‌ده دییرلی رواجله‌نیشی اوچون توسیق بولیب کیلگن.
