ساغلیقنی سقلش وزیرلیگی نینگ اعلان قیلیشیچه، اوتگن 24 ساعت جریانیده مملکتده کرونا ویروسی دن باشقه 413 ینگی ایجابی واقعه قید ایتیلگن.
اوشبو ینگی واقعهلر مملکت 18 ولایتیده قید ایتیلگن و بو جملهدن 188 تهسی کابل ولایتیده رویخط گه آلینگن.
ساغلیقنی سقلش وزیرلیگی نینگ ساغلیک خذمتلر ارایه قیلیش بولیمی اورین باسری وحید مجروح نینگ ایتیشیچه، اوشبو ینگی واقعهلر شامل مملکت بوییچه کرونا ویروسیگه چلینگنلرنینگ سانی 5 مینگ و 639 کیشیگه کوپهیگن.
اونینگ ایتیشیچه، اوتگن بیر کیچه و کندوز ده کرونا ویروسیگه چلینگنلردن 4 تهسی هلاک و باشقه 43 تهسی درمانلنگن.
ساغلیقنی سقلش وزیرلیگی تامانیدن بیریلگن رقملرگه کوره، حاضرگهقدر کرونا ویروسیگه چلینگنلردن 691 تهسی درمانلنیب و باشقه 136 تهسی جان بیرگن.
ساغلیقنی سقلش وزیرلیگی مسووللری نینگ آگاهلنتیریشیچه، اهالی ساغلیک توصیهلرینی رعایت قیلمهگن صورتده، کرونا ویروسیگه چلینگنلرنینگ سانی کوپهیشی ممکن.
ایتیلیشیچه، حاضرگهقدر دنیا بوییچه کرونا ویروسیگه چلینگنلرنینگ سانی 4 میلیون و 429 منیگ کیشیگه ییتیشگن و بو جملهدن 298 مینگ تهسی دنیا دن اوتیب و باشقه 1 میلیون و 658 مینگ تهسی درمانلنگن دیر.
