بوگون «سه‌شنبه» سپیدار قصریده اجراییه باشلیغی، ساغلیق‌نی سقلش وزیری و ایچکی و چیت ایللیک رسمی‌لر اشتراکیده سِیل یا-ده توبرکلوز کسل‌لیگی گه قرشی خلق ارا کونی نشانلندی.
اجراییه باشلیغی عبدالله عبدالله نینگ ایتیشیچه، سِیل کسل لیگی گه قرشی کوره ش اوچون اونملی آدیم لر کوتریلگن؛ بیراق ییترلی ایمس دیر. عبدالله عبدالله، میدیالردن سِیل کسل‌لیگی توغریسیده اهالینی آگاه‌لنتیریشینی سوره‌دی.
اجراییه باشلیغی‌نینگ ایتیشیچه، توبرکلوزگه قرشی کوره‌ش خصوصیده، خلق ارا همکارلیک‌لر و اهالی سعی و حرکتی باعث، اوشبو کسل‌لیک نی بیللی قیلیش مرکز 10 کسلخانه‌دن 2300 کسلخانه گه کوپه‌یگن.
عبدالله عبدالله گه کوره، اوتمیش‌لرده اهالی مملکت‌نینگ اوزاق منطقه‌لریدن سِیل کسل‌لیگی نی دارولش اوچون کابل کیلردیلر؛ بیراق حاضر توبرکلوزنی بیللی قیلیش مرکزلر بوتون مملکت‌ده فعالیت قیله‌دی.
توبرکلوزگه قرشی کوره‌ش خلق ارا کونی، بیریلگن رقم‌لر اساسیده، توبرکلوزگه چالینگن کسل‌لرنینگ رقمی اوتگن ییل‌لرگه نسبتن کوپه‌یگن بیرچاغده نشانلنه‌دی و بو رقم توبرکلوزگه قرشی کوره‌ش خصوصیده، ساغلیق‌نی سقلش وزیرلیگی‌نینگ کوچسیزلیگی‌نی کورسته‌دی.
دنیا ساغلیق‌نی سقلش تشکیلاتی توبرکلوزگه قرشی بیرلشمه همکارلیگی‌ده 1996- ییل، 24- مارچ نی توبرکلوزگه قرشی کوره‌ش خلق ارا کونی صفتیده نامله‌گن.
