کابل آمبولانس مسووللری، حادثه بوگون ایرتلب کابل شهری‌نینگ سرسبزی و تایمینی تورت یولیده جایلشگن منطقه‌ده یوز بیرگنینی ایته‌دیلر. واقعه بیر قنچه محنتچیلر بیر دیوارنی قیته قوریش ایشی بیلن بند بولگن بیر زمان روی بیرگن.
کابل آمبولانس باشلیغی محمدعالم عاصم، بو اداره‌نینگ قولگه کیریتگن دستلبکی معلوماتیده 10 کیشی دیوار آستیده قالگن دیگن.
اوشبو 10 کیشی‌نینگ بیش نفری کابل آنبولانس و بیش کیشیسی ایسه قیزیل خاج تشکیلاتی نینگ تیز یاردم ملازملری آرقه‌لی یوک آستیدن چیقاریلگن لیکلرنی سلام‌وطندارگه ایتگن جناب عاصم. شونینگدیک محنتچیلردن 4 کیشیسی حیاتدن کوز یومگن لیگینی تیل‌گه آلگن محمدعالم عاصمم.
جناب عاصم‌گه کوره، دیواری نوره‌ب توشگن بنا قیزیل خاج تشکیلاتی‌گه قره‌شلی بولگن. اما، بو کمیته‌نینگ رسمیلری بو توغریده صحبت بیریشدن باش تارتگن.
عینی گواه‌لرنینگ سلام‌وطندار ترماغیگه ایتیشیچه، دیوار نوره‌گن پیتده 7 محمنتچی ایش بیلن بند بولیب بولردن 5 ته‌سی عالمدن اوتیب و بیرته‌سی ایسه تَن جراحتی آلگن. گواهلر محنتچیلردن بیری کوچلی احتمال بیلن دیوار آستیده قالگن بولیشی ممکن دیدیلر.
