بوگون "سه‌شنبه" ایچکی ایشلر وزیرلیگی سوزلاوچیسی نصرت رحیمی نینگ ایتیشیچه، کابل شهری نینگ قابل‌بای منطقه‌سیده، جای‌لشگن گرین ولیج کمپی‌ده یوز بیرگن پارتلش نتیجه‌سیده، تینچ اهالی شامل 16 کیشی هلاک ایتیلیب و باشقه 119 کیشی یره‌لنگن دیر.
اونینگ تاکید قیلیشیچه، بیر تراکتورگه جای‌لشتیریلگن ماین نینگ گرین ولیچ کمپی ییقینیده پارتله‌تیلگنی باعث، بو واقعه یوز بیرگن.
طالبان گروهی بو واقعه مسوولیتی‌نی بوینیگه آلگن.
جناب رحیمی‌گه کوره، حاضرده پولیس خاص کوچلری واقعه یوز بیرگن منطقه‌نی نظارت‌لریگه آلگن و گرین ولیج ایشلاوچی‌لرینی هدف آستیگه قرار بیریش اوچون محلگه جای‌لشگن 5 طالب امنیتی کوچلر تامانیدن هلاک ایتیلگن.
ایچکی ایشلر وزیرلیگی سوزلاوچیسی نینگ کوپه‌یتیریشیچه، واقعه یوز بیرگن محلده بولگن 400 چیت‌ایللیک کیشی امنیتی کوچلر تامانیدن قوتقریلگن.
بو پارتلش محل یشاوچی‌لریگه کوپینچه مالی زیان ییتیشتیرگن.
