.JPG)
بوگون قتیق خوفسیزلیگی تامین ایتیلگن پایتخت کابل «جی ییتی" گروهی‌گه میزبانلیک قیلدی. کنگو، هاییتی، لیبریا، جنوبی سودان، سیریالئون و شرقی تیمور مملکت‌لری‌نینگ بیر قنچه وزیرلری و مخصوص نماینده‌لری جی ییتی گروهی‌نینگ ییغنی‌ده قتنشگن‌لر.
«جی ییتی» گروهی ایکی کونلیگ ییغینی‌نی رسمی آچگن افغانستان تشقی ایشلر وزیری صلاح‌الدین ربانی، سیاسی، اقتصادی و امنیتی قیینچیلیک‌لر بیلن روپه ره بولیب تورگن مملکت‌لر اورته‌سیده بیر- بیراوگه نسبتن اساسی همکارلیک قیلیش‌گه جدی احتیاج بارلیگینی ایتگن.
«جی ییتی»مملکت‌لری‌نینگ خیلمه خیل ساحه‌لریگه اشاره قیلیب، بو تشکیلاتگه اعضا مملکت‌لر برچه‌سی اوروش و نابرقرارلیک‌لر ایلدیزدن یوق ایتیلیشی اوچون بیر فکرده بولیش‌لری اوستیده تاکیدله‌گن.
شونینگ‌دیک ییغین‌ده سوزله‌گن جمهور رییس غنی «جی ییتی»گه اعضا مملکت‌لرده‌گی ییریک فسادگه اشاره قیلیب ایتیشیچه، مذکور مملکت‌لرنینگ رهبرلری یاروق کیله‌جک اوچون اصلاحات کیریتیلیش گه سعی وحرکت قیلگن تقدیرده، مخصوص برنامه‌لرگه قوییده‌گی موضوعلرنی جدی انابت‌گه آلیش لازم.
مملکت بودجه‌سینی باشقریش
خیل مه خیل بولیم لر اینیقسه عادی و رواجلنتیریش بودجه نی نظارت قیلیش.
اساسی قانونی بوتون دولت و نا دولت اداره‌لریده تطبیق ایتیلیشی
مملکت‌ده شهروندلیک منشوری عملی ایتیلیشی
«جی ییتی» گروهی ییغینی‌نینگ پایانی‌ده مذکور گروه‌نینگ باشلیغی و اعضالریدن بیری سوزگه چیقیب بو تشکیلاتگه اعضا مملکت‌لر روپه – ره بولیب تورگن معمالرگه اشاره قیلگن‌لر. بولر، دنیا جماعه چیلگیدن جی ییتی گروهی‌گه همکارلیک قلیش‌نی سوره‌گن‌لر.
«جی ییتی» اون اوچ نظارتچی اعضا و حامی گه ایگه. بروندی، مرکزی افریفا جمهوریتی، چاد، کامرون، ساحل عاج، گینه، گینه بیسائو، ینگی گینه، سائو توم، سلامون جزایر، سومالیا توگو یمن‌دن عبارت.
جی ییتی گروهی اقتصادی جهت‌دن یامان بولگن مملکت‌لردن تشکیل بولگن. بو مملکت‌لر دنیاده‌گی اینگ قشاق دولت‌لر بولگنی ایتیله‌دی. بو تشکیلاتگه اعضا مملکت‌لر بیر- بیراو لری نینگ یاردم و همکارلیک‌لری بیلن کوزه‌له‌گن موفقییت گه ایریشیش نی نیت قیلگن‌لر.
