افغانستان صناعت و تجارت اتاقی نینگ مسووللری ایش و کوچ وضعیتی نینگ اوچینچی ییغینی توغریسیده‌گی کنفرانس‌نی کابل‌ده اوتکزدیلر. بو اداره نینگ میلادی ییل نینگ بیرینچی اوچ آییده قولگه کیریتگن گزارشیده، باشقه ولایتلرگه قره‌گنده امنیت نقطه نظردن کابل تجارلر اوچون اینگ خوفسیز ولایت ایکن لیگی اورگه‌نیلگن.
صناعت و تجارت اتاقی نینگ عامل هیات باشلیغی عتیق‌الله نصرت، ایش کوچ نینگ مرکزی بولمیش کابل‌ده تجارلرنینگ توپله‌نگی سبب ایچکی سودگرلر اوچون مذکور شهر نینگ امنیتی جوده تشویشلی دیگن.
جناب نصرت‌گه کوره، کابل‌دن سونگ، بلخ، ننگرهار، قندهار و هرات ولایتلری خوفسیزلیک نقطه نظردن سوداگرلر اوچون اینگ یامان ولایتلر حسابنله‌دی دیگن.
مذکور اداره نینگ اورین باسری خان‌جان الکوزی، مملکت‌ده سوداگرلر وضعیتی یخشی له‌نیشی اوچون آدم اوغیرلیککه قولی بولگن لیکده عیبله‌نیب حسب‌گه آلینگن گروه‌لرنی آغیر جزا بیریشی‌نی سوره‌گن. باشقه تامان افغانستان صناعت وتجارت اتاقی نینگ مسووللری، میلادی 2016- ییلده ایش و کوچ وضعیتی توغریسیده‌گی سوراو نتیجه‌سی‌نی هم نشر قیلگن.
اوشبو سوراو کابل، بلخ، قندهار، ننگرهار و هرات ولایتلری‌نینگ سوداگلری بیلن تیلفون ارقه‌لی اوتکزیلگن صحبت اساسیده تیار قیلینگن.
صناعت و تجارت اتاقی نینگ هیات باشلیغی عتیق‌الله نصرت، بولرنینگ قولگه کیریتگن معلوماتلریده 2016- ییل نینگ سونگی تورت آیی میلادی 2015- ییل نینگ عین آیلریده قره‌گنده ایش و کوچ یخشی بولگن دیدی.
لیکن، بو اوزگریش هنوز هم اونچه‌لیک سیزیلرلی درجه ده ایمس دیدی نصرت.
شونینگدیک میلادی 2016- ییل نینگ سونگی ربعی میلادی 2015- ییل نینگ اوشبو آیلریده کابل، بلخ، هرات و ننگرهار ولایتلریده سوداگرنینگ قیین چیلیگی بیر آز کمه‌یگن. لیکن، بلخ و هرات ولایتلریده باجخانه‌لرده میلادی 2016- ییل مالیات بولمیده‌گی سیستم‌ده قیین چیلیک آشگن لیگی ایتیله‌دی.
افغانستان صناعت تجارت اتاقی نینگ رسمیلری، تشبثکارلری مرکز حکومت‌دن آست قورمه لایحه‌لر همده امنیت یخشی له‌نیشی جدی اعتبار قره‌تیش‌نی سوره‌گنلر دیدیلر.
