کلیوالو بدخشانیانو د ژوند اسانتیاوو نهشتوالي، ناامنیو او وزګارتیا لهامله فیض اباد ښار ته مخه کړې ده.
د بدخشان چاپېریال ساتنې رییس غلام نبي سرفراز ورځ تربلې پر فیض اباد د کلیوالو یرغل په اړه وایي ښاریان د ورځې ۱۰۰ ټنه کثافات تولیدوي؛ په داسې حال کې چې ښاروالۍ د ورځې د ۴۰ ټنو کثافاتو تشولو توان هم نه لري.
د ښاغلي سرفراز په وینا، د کلیوالو ځای پرځای کولو کړنلارې نهشتوالي فیض اباد د افغانستان پر یو له ټولو ککړ ښار بدل کړی دی.
د بدخشان یو مدني فعال سید عمر باهر وایي پر فیض اباد د کلیوالو پراخ یرغل، پر چاپېریالي ستونزو سربېره اقتصادي او ټولنیزې ستونزې هم رامنځته کړې دي.
د فیض اباد ښاروالۍ د تنظیف رییس سلام حافظي هم وایي، د کثافاتو تولید زیاتوالي د اوبو ککړتیا او د فیض اباد بېلابېلو برخو کې د کثافاتو ډېرانونو لامل په ښار کې د ګڼو کلیوالو شتون دی.
د بدخشان سیمهییزو چارواکیو په وینا، ورځ تر بلې د ناامنیو لمنې پراختیا، په کلیو کې د فقر او وزګارتیا په سبب کلیوال د ژوند لهپاره ښار یوازېنی امن ځای ګڼي.
