د ملي یوالي حکومت اجرایوي رییس ډاکټرعبدالله عبدالله نن دوشنبې د (مارچ پر ۱۳مه) د وزیرانو شورا غونډه کې د تېرې اوونۍ د بېلابېلو موضوعاتو په اړه خبرې وکړې او زیاتره تمرکز یې د سردارمحمد داودخان روغتون په خونړۍ پېښه و، چې ۴۹ تنه په کې وژل شوي او ۷۶ تنه ټپیان شوي وو.
اجرایوي رییس د سردارمحمد داودخان په روغتون خونړی برید د ترهګرۍ وروستی حد وبللو او زیاته یې کړه، چې په افغانستان کې ډېرې ترهګرې ډلې فعالیت کوي، خو د سردار محمد داود خان روغتون د پېښې اصلي عاملان طالبان دي؛ ځکه همدوی وو چې په افغانستان کې یې نورو ترهګرو ډلو ته د بریدونو او ورانکاریو زمینه برابرهکړه.
ډاکټرعبدالله همدا ډول وویل، چې د ملي یوالي حکومت د ټاکنو د ترسره کولو لهپاره جدي هوډ لري او د رڼو ټاکنو په موخه د نویو لارو چارو په لټو کې دی.
اجرایوي رییس عبدالله د وزیرانو شورا غونډې ته دا هم زیاته کړه، چې افغانستان د پولیو ناروغي سره په مبارزه کې هم یوې حساسې مرحلې ته رسېدلی او د دې ناروغۍ د لهمنځه وړلو په برخه کې د نورې نړۍ کچې ته نږدې شوېدی. نوموړی د روغتیا وزارت ترڅنګ له وزارتونو هم وغوښتل، چې د پولیو په لهمنځه وړلو کې له عامې روغتیا وزارت سره همکاري وکړي
