افغانستان صنعت و سوداگرلیک اتاقی‌نینگ مسؤوللری، هند، ترکیه و قزاقستان هوایی دهلیزلری آرقه‌لی افغانستان محصولاتی‌نینگ صادراتی‌نی یخشی دییدیلر، بیراق مذکور مملکت‌لرده افغانستان محصولاتی‌نینگ بازاری سُسته‌یگنینی بیلدیرگن‌لر.
اولرگه کوره، مملکت محصولات‌لری معیاری شکلده بسته‌بندلیک بولمه‌گنی باعث، بازاری سُسته‌یگن.
سلام‌وطندارگه صحبت بیرگن صنعت و سوداگرلیک اتاقی اورین باسری خان‌جان الکوزی‌نینگ ایتیشیچه، مملکت محصولاتی‌نی صادراتی اوچون پاکستان گه نظرگه آلینگن بسته‌بندلیک معیارلری، هند، ترکیه و قزاقستان مملکت‌لریده قبول قیلینمه‌یدی. شو یوزه‌دن، جناب الکوزی، مملکت محصولاتی معیاری شکلده بسته‌بندلیک و پروسس بولیشی توغریسیده مرکزلر ایجاد ایتیلیشی اوستیگه تأکید قیله‌دی.
عین حالده، مملکت ایکینچیلیک، سوولنتیریش و چاروادارلیک وزیرلیگی‌نینگ مسؤوللری، صادراتی محصولات‌نی پروسس و بسته‌بندلیگی توغریسیده قیین‌چیلیک موجودلیگی‌نی تَن آله‌دی، بیراق ایتیشیچه، قطار ولایت‌لرده پروسیس و بسته‌بندلیک اوچون کته مرکزلر ایجاد ایتیلگن.
ایکینچیلیک، سوولنتیریش و چاروادارلیک وزیرلیگی سوزلاوچیسی اکبر رستمی‌نینگ ایتیشیچه، حاضرگه‌قدر کابل، بلخ، هرات، ننگرهار و قندوز ولایت‌لریده میوه‌لر بسته‌بندلیگی و پروسیس بولیمی‌ده بیر آز ایش قیلینگن و پروان ولایتیده هم بیر پروسیس مرکزی‌نی قوریلیش ایشی یکونلنماقده دیر.
صنعت و سوداگرلیک اتاقی‌نینگ مسؤوللری، دولت اینیقسه سرمایه‌یاتقزیش، صنعت و سوداگرلیک وزیرلیگی و نورم استندرد اداره‌سیدن دنیا بازارلریده مملکت محصولاتی‌نینگ بازاری یخشی بولیشی خصوصیده، صفت سیناوچی‌لری و معیاری پروسس و بسته‌بندلیک شعبه‌لری ایجاد ایتیلیشی‌نی سوره‌ب و شونینگدیک، سوداگرلر اوچون بیر معیاری بسته‌بندلیک طریقه‌سینی تانیشتیریشی‌نی طلب قیلگن و بو ایش بولگن صورتده، اولر هم محصولات‌لری اوچون بو معیاردن فایده‌لنه‌دی.
