اوچ کون آلدین پروان مرکزی چاریکار شهریده یوز بیرگن شدتلی سووتاشقین‌لر کوپینچه جانی و مالی زیان چکه‌سیده، سوو ییتکیزیش شبکه‌لر و ییر آستی قوریلمه‌لرینی تخریب قیلگن.
چاریکار یشاوچی‌لری نینگ ایتیش‌لریچه، اوتگن "چهارشنبه" کونی یوز بیرگن سووتاشقین‌لر، اوشبو ولایتده سوو ییتکیزیش شبکه‌لرنی تخریب قیلگن و یشاوچی‌لر سوو کم‌لیگی بیلن دوچ کیلگنلر.
پروان مدنی فعال‌لریدن بیرقطاری، محلی حکومت مدیریت‌سیزلیگی دن تنقید قیلیب و سووتاشقین‌لردن زیان کورگن عایله‌لرگه یاردم بیریلیشی‌نی ایسته‌گنلر.
چاریکار یشاوچی‌لری نینگ کوپه‌یتیریشیچه، اوشبو شهرده سووتاشقین‌لر یوز بیرگنی سبب، سوو و برق سیستمی تخریب بولگن و اهالی نیمه ایش قیلیشینی بیلمه‌یدی.
پروان محلی حکومتی، ییر آستی قوریلمه‌لری و سوو ییتکیزیش شبکه‌لر تخریب بولگنی‌نی تصدیق‌له‌یدی.
پروان حاکمی سوزلاوچیسی وحیده شهکار نینگ سلام‌وطندارگه ایتیشیچه، پروان محلی حکومتی اهالی نینگ سوو کم‌چیلیک‌لرینی خیریه نهادلرنینگ یاردمی آرقه‌لی تامین‌لش اوچون سعی و حرکت قیله‌دی. اونینگ ایتیشیچه، سوو ییتکیزیش شبکه‌لر، برق، مخابرات و قتناو یول‌لرنی قیته قوریلیشی وقتنی آله‌دی.
اوتگن "چهارشنبه" کیچه پروان مرکزیده شدتلی سووتاشقین‌لر سبب، کمیده 116 کیشی هلاک و باشقه 250 کیشی یره‌لنگن.
