پرون رسماً د ولسي جرګې او ولسوالیو شوراګانو ټاکنو لهپاره د نوملیکنې بهیر پیل شو او ټاکل شوې، په شرایطو د برابرو راییو ورکوونکیو نوملړ د کاغذي پېژندپاڼو پر بنسټ مشخص شي.
خو د نفوسو د احوالو ثبت ادارې مسوولان د کاغذي پېژندپاڼو لرونکیو هېوادوالو د شمېر په اړه کره معلومات نهلري.
د یادې ادارې ویاند روحالله احمدزي سلام وطندار ته وویل، پهدې ډله کې داسې کسان هم شته چې په یو سر ۱۰ تذکرې لري. د ده په خبره، یو شخص له ولایته کابل ته د پېژندپاڼې په اخېستلو پسې راځي؛ خو چې بېرته ولایت ته وګرځي؛ هلته هم پېژندپاڼه اخلي.
د نفوسو د احوالو ثبت ادارې د اټکل پر بنسټ، افغانستان کې شاخوا ۲۰ یا میلیونه وګړي کاغذي پېژندپاڼې لري چې دا شمېره سمه کره نهده.
د نفوسو د احوالو ثبت ادارې ویاند زیاتوي چې د افرادو د مشخصولو یوازینۍ حللار د برېښنايي پېژندپاڼو وېش دی.
د ولسي جرګې غړي محیالدین مهدي سلام وطندارته وویل چې د یو کس لهخوا د لسو پېژندپاڼو اخېستل جدي ستونزه ده.
د ده په وینا، که یو څوک هر څو پېژندپاڼې ولري؛ په هماغه اندازه د رايياچوونې کارتونه اخېستلی او رایې ورکولی شي.
د ټاکنو خپلواک کمېسیون غړې وسیمه بادغیسۍ وايي چې د رایو ورکوونکیو نوملیکنې نوملړ د کمېسیون لهخوا په قلمي بڼه جوړېږي؛ خو د څوو پېژندپاڼو لرلو ستونزې ته باید حل پیدا شي.
اغلې بادغیسۍ د دې ستونزې د حل په اړه وايي چې د نفوسو د احوالو ثبت ادارې دا مسله د ټاکنو له خپلواک کمېسیون سره نهده شریکه کړې.
شنونکي باوري دی چې که یو شخص پېژندپاڼه تذکرې ولري؛ په یو وخت کې د خپلې خوښې نوماند ته څو ځایه رایه ورکولی شي چې د قلم پهواسطه د رایو ورکوونکیو نوملیکنې ثبت بهیر دا ستونزې زیاتوي.
