د ننګرهار بټيکوټ ولسوالۍ اوسېدونکي وایي، تېره شپه د دې ولسوالۍ جانیخېلو سیمه کې د ځانګړیو امنیتي ځواکونو له لوري د ملکيانو پر یو کور چاپه وهل شوې چې ۴ کسان پهکې وژل شويدي.
د بټيکوټ ولسوالۍ یو اوسېدونکي د نوم نه ښودلو په شرط سلام وطندار ته وویل، دې پېښه کې د یوې کورنۍ څلور غړي وژل شوي چې څلورو واړو مزدوري کوله.
د ننګرهار د والي ویاند عطاالله خوګیاڼي یوازې همدومره ویلي، چې بټيکوټ کې د ځانګړیو ځواکونو په عملیاتو کې یو شمېر کسانو ته مرګژوبله اوښتې او پهدې اړه له ډېرو معلوماتو ورکولو ډډه کوي.
دا داسې مهال ده چې درې ورځې مخکې هم د ملي امنیت اړوند ۰۲ قطعې د ننګرهار چپرهار کې د عملیاتو پر مهال د محلي پولیسو تر څنګ د ملي شورا د رییس فضلهادي مسلمیار د کورنۍ څو غړي په نښه کړيوو.
