بوگون مالیزا پایتخی کوالالامپورده المپیک خلق ارا کمیته‌سی اوزی‌نینگ 128- ییغینی‌ده المپیک‌نینگ قیشگی مسابقه‌لری 2022- ییلده چین نینگ پکن شهریده اوتکزیلیشی‌نی اعلان قیلگن.
2022- ییلده‌گی قیشگی بیلشوولرده فقط چین و قزاقستان دولت‌لری رقابت قیله‌دی و باشقه اشتراک قیله‌دیگن مملکت‌لر رای گیرلیک‌دن آلدین بو قراردن واز کیچیب درخواست‌لرینی قیته آلگن‌لر.
بو تنلاوده بیرینچی بار المپیککه اعضا 85 مملکت الکترونیکی شکل‌ده رای بیریشی‌گه قرار آلینگن، اما تخنیکی قیینچی‌لیک سبب برچه اعضالر سابق دیک رای لرینی صندوققه تشلش‌گه مجبور بولگن‌لر. انه شو سبب رای‌گرلیک‌نینگ نتیجه‌سی بیر ساعت کیچیکتیریلیب اعلان ایتیلگن.
پکن 44 ایجابی رای آلیش بیلن مذکور مسابقه‌لرده میزبان‌لیک قیلیش‌نی قول‌گه کیرتگن. رای‌گیرلیک‌ده پکن 44 ایجابی آواز آلیش بیلن 40 آواز قول‌گه کیرتیش‌گه موفق بولگن قزاقستان‌گه غالب چیقیب، اوشبو مسابقه‌لرنی میزبان‌لیک قیلیش‌نی اوزیگه اختصاص‌لشتیرگن.
پکن 2008- ییلده هم یازگی مسابقه‌لرنینگ میزانی بولگن. اما، قزاقستان ایکینچی مرته دیرکه اوبشو اویین‌لر اوچون میزبان‌لیک قیله آلمیدی. مذکور مملکت 2014- ییلده هم المپیک نینگ قیشگی اویین‌لری میزبان‌لیگینی آلیش‌گه موفق بولمه‌گن ایدی.
شونینگ‌دیک بو ییغین‌ده رومانی براسوف بیلن رقابت قیلگن لوزان سویس 2022- یییل‌ده یاش‌لر اویینچیلر قیشگی مسابقه‌سی‌گه میزبان‌لیک قیلیش اوچون تنشیریلگن. ایتیلیشیچه، مذکور اویین‌لرنینگ بیرینچی دوری 2012- ییلده اترش و ایکینچی دوری ایسه 2010- ییلده سنگاپورده اوتکزیلگن.
یاش‌لر قیشگی مسابقه‌لری بیرینچی بار المپیک کمیته‌سی‌نینگ سابق رییسی ژاک راگو تشبوثی بیلن یول‌گه قوییلگن. یاش‌لر المپیک قیشگی بیلشوولری ییل نینگ ایکی فصلی‌ده اوتکزیله‌دی.
