بیرلشگن ملت‌لر حربی کوچلری‌نینگ پکتیکا ولایتی زرمت تومنی‌نینگ سهاک منطقه سیده هوایی هجوم اوتکزیش نتیجه سیده 4 جنگری طالب اولدیریلدی.
پکتیکا ولایتی‌نینگ پولیس باشلیغی محمد زمان‌نینگ سلام‌وطندارگه ایتیشیچه، مذکور هجوم‌ده تشقی حربی‌لری تامانیدن طالب‌لر نینگ بیرسراچه موتری هدف آلیشی بیلن مذکور گروه ایکی قومندانی قشیمچه تورت طالب هلاک ایتیلگن.
حاضرگه قدر افغانستان‌ده‌گی تشقی کوچلر و طالب‌لر بوتوغریده بیرنرسه دیمه‌گن‌لر.
زرمت، پکتیکا ولایتی نینگ ناتینچ محله‌لریدن حسابلنه‌دی و جنگری طالب‌لر ایسه، ولایت باشقه منطقه سیدن کوره، بوییرده کوپراق فعالیت قیلیب کیلماقده‌لر.
یازموسمی کیلیشی و قیش کوتریلیشی سبب، طالب‌لر فعالیتی بوتون افغانستان‌ده کوپه یب بارماقده.
جرم؛ طالب‌لر تینچ محله‌سی
بدخشان ولایت اورین باسری گل‌محمد بیدارنینگ ایتیشیچه، ولایت جرم تومنی‌نینگ خستک قیشلاقی‌ده 2 مینگ جنگری طالب جایلشگن. اونگه کوره، مذکور جنگری‌لردن یریمی تشقی اولکه لیک ایکن‌لر.
بیدرا ایتیشیچه، کیله‌سی یقین پیتده بدخشان ولایتی‌نینگ کران و منجان، وردوج و جرم تومنلری‌گه پاکلش عملیات یولگه قویله‌دی.
اوتگن هفته بوگروه‌گه باغلیق جنگریلر بدخشان جرم تومنی ده‌گی اردو پوسته‌لریگه هجوم ایلتیش‌لری بیلن اردو کوچلریدن 58 کیشی هلاک بولدی.
گزارشلرگه کوره، اوتگن هفته 26- حمل چهارشنبه سیده جنگری طالب‌لر ینه بیر بار بدخشان جرم تومنیده هجوم ایلتگن ایدیلر.
بدخشان‌ده اردوکوچلری‌نینگ یمان حالتده اولدیریشلری سبب، اولکه یشاوچی‌لری ملی بیرلیک حکومت باشلیغ‌لریدن اعتراض قیلیش‌لری یوقاری کیتگن. اعتراض‌چی‌لرگه کوره، اولکه سونگی ناتینچ‌لیک‌لری اردو کوچلری‌نینگ هلاک بولیش اصلی عاملی، ملی بیرلیک حکومت باشلیغ‌لری دیب بیله‌دیلر.
شونینگ‌دیک اولکه دفاع وزیرلیگی‌نینگ رسمی‌لری کیله‌سی یقین پیتده فتح ناملی پاکلش عملیات‌نی برچه ناتینچ محله‌لرده یولگه قویلیشی‌دن خبر بیرگن. اما مذکور وزیرلیک اوتکزیله‌دیگن پاکلش عملیات قیسی زمانده بولیشی توغری سیده بیرنرسه دیمه‌گن.
