پکتيا پوهنتون کې د محصلینو لهپاره د لیلیې د دوو پينځه پوړيزو ودانيو چارې نن پيل شوې.
د پکتيا والي شميمخان کټوازي د پرانيستې پر مهال وويل، په یو وخت به ۳ زره محصلینو ته د اوسېدلو زمینه برابره شي.
ښاغلی کټوازی وايي، پهدې ودانیو ـ چې ۳۰۴ ميليونه افغانۍ لګښت راځي ـ چارې به يې د یو کال په موده کې بشپړې شي.
بلهخوا د پکتيا پوهنتون محصلين وايي، د ښار په بېلابېلو ځايونو کې له کړاوه ډک ژوند کوي چې د ليلیې په جوړېدلو سره به یې ستونزې هوارې او لازمې اسانتياوې برابرې شي؛ خو ټينګار کوي چې پر وخت او ښه کيفيت دې ورته جوړې شي.
د پکتيا پوهنتون دا مهال اووه پوهنځي لري او شاوخوا ۸زره محصلين پهکې په زدهکړو بوخت دي.
ورته مطلب:
