پکتیا ولایتی ولایت کینگشی نینگ اعضالری ولایت مرکزیده‌گی معلم تربیه‌لش موسسه‌سیده فساد موجودلیگی باره‌سیده خبر بیرگنلر. اولرنینگ سوزلریگه کوره، ولایت نینگ دارالمعلمین عمومی اداره‌سی نینگ باشلیغی همکارلیگیده معلم تربیه‌لش اداره‌لریگه آلینه دیگن اوسکونه و جهازلرده 5 میلون اوغیرلنگن.
پکتیا ولایت ولایتی کینگشی نینگ باشلیغی الامیر بهرامزی، بو موضوع توغریسیده ولایت تومنلریده‌گی معلم تربیه‌لش موسسه‌سی نینگ استادلری آیلیکلری بیریلمه‌گن لیگیدن شکایت قیلگن بیر پیتده خبر بولگن لیکلرینی تیلگه آلگن.
جناب بهرامزی، ولایت ده ایریم اداره‌لرده فساد بار دیدی. اما، فسادگه قولی بولگن لیکده عیبلهنیب حبس‌گه آلینگنلر هم تیزآره ده آزاد قیلینیشلری هم ایتیله‌دی. او، پکتیا ولایت مقامی نینگ رسمیلریدن، فسادگه قولی بولگن شخصلر اوستیده درست محکمه اوتکزیلیشینی سوره‌گن.
پکتیا ولایتی نینگ والیسی شمیم کتوازی، فسادگه قولی بولگن لیکده عیبلهنیب حبس‌گه آلینگنلر دوسیه‌سی هر تامانلمه تیکشیریلیشی خصوصیده ولایت کینگشی نینگ اعضالریگه ایشانچ بیرگن.
جناب کتوازی‌نینگ سوزلریگه کوره، ولایت نینگ دارالمعلمین‌لریگه اوسکونه و جهاز آلینیش مقصدیده 11 میلیون افغانی بیریلگن. شونینگ‌دیک مذکور مبلخ نینگ 50% هم درست و شفاف صورت‌ده صرفلنمه‌گن دیدی ولایت والیسی.
بو توغریده ولایت معلم تربیه‌لش موسسه‌سی نینگ عمومی رییسی فکرینی اورگه‌نیش اوچون آلیب بارگن سعی و حرکتلریمیز ایجابی نتیجه بیرمه‌دی.
