اوشبو گزارشده آت‌لری فاش ایتیلیشی‌نی ایستمه‌گن پکتیا قماقخانه‌سیده‌گی محبوس‌لردن بیرقطاری، مذکور قماقخانه مسووللری‌نینگ باج آلیش و فسادگه عیب‌له‌یدیلر.
محبوس‌لرنینگ ایتیشیچه، قماقخانه مدیری افندی گل و بلاک قومندانی اجمل محبوس‌لربیلن ایکی تامانلمه حرکت قیله‌دیلر.
اولرنینگ کوپه‌یتیریشیچه، بلاک قوماندانی محبوس‌لرنی بیر بلاک‌دن باشقه بیر بلاک‌که انتقال بیریش‌گه اولردن پول آله‌دی.
پکتیا محبوس‌لری‌نینگ آذقه-اوقات کم‌لیگی‌دن تنقید قیلیب ایتیشیچه، 24 ساعت جریانیده اولرگه بیریله‌دیگن آذقه-اوقات ایترلی ایمس.
اولرنینگ ایتیشیچه، قراردادلر اساسیگه هرکونده بیر محبوس‌گه 250 گرام آزقه-اوقات بیریلیشی کیره‌ک؛ بیراق اولرگه 150 گرام آذقه-اوقات بیریله‌دی و اعتراض قیلگن صورتده، قماقخانه‌نینگ جزایی بولیمی‌ده انتقال بیریله‌دیلر.
عین‌حالده، پکتیا قماقخانه‌سی مسووللری‌نینگ محبوس‌لر ادعاسینی رد قیلیب ایتیشیچه، هر بولیم‌ده نظارتچی تیم‌لر بار و اولرنینگ ایشلریدن نظارت قیله‌دیلر.
پکتیا قماقخانه‌سینی مدیری افندی گل نینگ سلام‌وطندارگه ایتیشیچه، محبوس‌لرنینگ ادعالری توغریسیده حجت‌لری بولگن صورتده، عیب‌دار کیشی‌لر عدلی و قضایی اداره‌لرگه تانیتیله‌دی.
